მიმდინარე წელს ნაძალადევის რაიონს ხუთი ახალი საბავშვო გასართობი მოედანი შეემატება. პროექტის ფარგლებში, ზღვის უბნის მე-4 კვარტალში, N7 კორპუსის წინ კაუჩუკის მოედანი მოეწყო და ხის ატრაქციონები დამონტაჟდა.

აღნიშნულ მისამართზე შესრულებული სამუშაოები ნაძალადევის რაიონის გამგებელმა ირაკლი ხელაძემ თბილისის საკრებულოს მაჟორიტარ დეპუტატთან, თამარ ტალიაშვილთან ერთად დაათვალიერა.

„ყველა ატრაქციონი ხის მასალისგან არის დამზადებული. გარდა იმისა, რომ ეკოლოგიურად სუფთაა, კონსტრუქციაც გამძლე და მყარია. რამდენიმე ატრაქციონის გამოყენება სპეციალური შესაძლებლობების მქონე ბავშვებს შეუძლიათ. ვცდილობთ ჩვენი პატარებისთვის მეტი გასართობი სივრცე მოვაწყოთ. სამწუხაროდ, სკვერებში და ასეთ მოედნებზე ინფრასტრუქტურის დაზიანების ბევრი ფაქტი დაფიქსირდა. კარგი იქნება, თუ მოსახლეობაც უფრო მეტად გაუფრთხილდება გასართობ-დასასვენებელ სივრცეებს,“ - განაცხადა ნაძალადევის რაიონის გამგებელმა.

ზღვის უბანში დასრულებული პროექტის გარდა, ატრაქციონების მონტაჟი კიდევ ორ მისამართზე მიმდინარეობს: ბენდელიანის ქ. N12 და ჭყონდიდელის ქ. N20ა. ასევე, უახლოეს პერიოდში კიდევ ორი ახალი საბავშვო მოედნის მოწყობა დაიწყება.

ხუთივე მისამართზე შესრულებული სამუშაოებისთვის ნაძალადევის რაიონის გამგეობის ბიუჯეტიდან 85 410 ლარი გამოიყოფა.

(NS)

ავტორი: ,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ