საქართველოს პრემიერ-მინისტრმა მამუკა ბახტაძემ ოფიციალურ ვახშამზე უმასპინძლა გერმანიის ფედერაციული რესპუბლიკის კანცლერ ანგელა მერკელსა და სამთავრობო დელეგაციას, რომელიც თბილისში ოფიციალური ვიზიტით იმყოფება.

მთავრობის მეთაურმა გერმანიის ფედერაციული რესპუბლიკის კანცლერს საქართველოში სტუმრობისთვის მადლობა გადაუხადა და გერმანელი და ქართველი ხალხის მეგობრობაზე გაამახვილა ყურადღება.

„ჩვენთვის დიდი პატივია, ვუმასპინძლოთ ჩვენს მეგობრებს გერმანიიდან. ასი წლის წინ სწორედ ამ ქალაქში საქართველოს პირველი რესპუბლიკა დაარსდა. ნიშანდობლივი, თუმცა არც თუ ისე გასაკვირია, რომ გერმანია პირველი ქვეყანა იყო, ვინც ჩვენი დამოუკიდებლობა აღიარა. ახლა, ასი წლის შემდეგ იმავე ადგილას ვიმყოფებით ევროპული ოჯახისკენ მიმავალ გზაზე. უდავოა, რომ ეს გზა გამოწვევებით იყო აღსავსე, თუმცა მეგობრები გვყავს - ნამდვილი მეგობრები - რომლებიც ამ გზაზე გვეხმარებიან. ჩვენთვის ძალიან ემოციურია დიდი ხნის წინ მიღებული გადაწყვეტილების შეფასება. ამ მიზნისკენ სავალი გზა გამოწვევებით არის სავსე, თუმცა ვიცით, რომ მეგობრები გვყავს", - განაცხადა მამუკა ბახტაძემ.

ოფიციალური ვახშამი კულტურულ პროგრამასაც მოიცავდა, რომელშიც ანსამბლი „შვიდკაცა", ნიკოლოზ რაჭველი ორკესტრთან ერთად, „სუხიშვილები" და ნატო მეტონიძე მონაწილეობდნენ. 

საქართველოს პრემიერ-მინისტრმა და გერმანიის ფედერაციული რესპუბლიკის კანცლერმა ფუნიკულიორამდე ტრამვაით იმგზავრეს და თბილისის ხედები დაათვალიერეს. 

ავტორი: ,

სოციალური ქსელები

ივანიშვილის რეჟიმი ტუტუშკების მორალის პოლიციას აყალიბებს, რომლებიც მოქალაქეებს ღიად გაუსწორდება

რეჟიმის შსს ადასტურებს აქცის 10 მონაწილის დაკავებას ბანერების გამო

ბანერების გამო საპროტესტო აქციის მონაწილეები დააკავეს, პოლიციამ მომიტინგეებს სცემა

ბანერის ჭერის გამო თორნიკე თოშხუა წვრილმანი ხულიგნობის მუხლით დააკავეს