„მაჩალიკაშვილი ტერორიზმის ხელშეწყობის საქმეზე გამოიკითხა - ნახსენები იყო ახმედ ჩატაევი, თამაზ მარგოშვილი, რუსლან ალდამოვი და სხვა პირები“, - ამის შესახებ  მალხაზ მაჩალიკაშვილის  ადვოკატმა, ქეთი ჩუთლაშვილმა ჟურნალისტებს განუცხადა.

მისი თქმით, გამოძიების კითხვები კონკრეტულ პირებთან მალხაზ მაჩალიკაშვილის კომუნიკაციასა და ურთიერთობებს ეხებოდა.

„კითხვები ძირითადად შეეხებოდა კონკრეტულ პირებთან კომუნიკაციას, თუ რა ურთიერთობა ჰქონდა მათთან და ეს კითხვები იყო ზოგადი ხასიათის. იყო ნახსენები თამაზ მარგოშვილთან, რუსლან ალდამოვთან კომუნიკაცია და ა.შ. გარკვეულწილად კითხვები ეხებოდა ახმედ ჩატაევთან კავშირსაც. გარკვეული კითხვები იყო თემირლან მაჩალიკაშვილის მიმართაც, თუმცა იგი არის გარდაცვლილი, მის მიმართ სისხლის სამართლებრივი დევნა არ მიმდინარეობს და უსაფუძვლოდ მიგვაჩნია გამოძიების გაგრძელება“, - განაცხადა ადვოკატმა.

მალხაზ მაჩალიკაშვილმა სუს-ის უკვე დატოვა. უწყებაში შვილმოკლული მამა 21 აგვისტოსაც დაიბარეს.

ავტორი: ,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის