ნოდარ ხადური: თუ მაქვს კითხვები გიორგი ქადაგიძესთან, მათ სამუშაო რეჟიმში დავუსვამ

2015-06-04 14:39:10, 417 ნახვა

პოლიტიკა

საქართველოს ფინანსთა მინისტრი ნოდარ ხადური არ საუბრობს, აქვს თუ არა პირადად მას, როგორც მთავრობის წევრს, ეროვნული ბანკის პრეზიდენტთან კითხვები.

საუბარია იმის შესახებ, რომ, შესაძლოა, პროკურატურას გიორგი ქადაგიძესთან კითხვები ჰქონდეს.

ხადურის თქმით, თუ მას ქადაგიძესთან რაიმე კითხვები ექნება, სამუშაო რეჟიმში დაუსვამს.

"მოდით აქ უნდა გავყოთ ერთმანეთისგან პროკურატურისა და ფინანსთა სმაინისტროს ფუნქციები, თუ მე მაქვს კითხვები, ამ კითხვებს დავუსვამ სამუშაო რეჟიმში",-განაცხადა ნოდარ ხადურმა.

ფინანსთა მინისტრმა ასევე, კომენტარი გააკეთა სახელმწიფოს მხრიდან იძულებით ჩამორთმეული ქონების დაბრუნების საკითხზეც და განაცხადა, რომ უძრავი ქონების ნაწილი, რომელიც ჩამორთმეული იყო, ამ ეტაპზე ფინანსთა სამინისტროს მომსახურების სააგენტოშია და პროკურატურის გადაწყვეტილებას ელოდებიან.

"ჩვენ მივყვებით იმ გეგმას, რომელიც მთავრობამ დააამტკიცა",-დასძინა ნოდარ ხადურმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან