პრეზიდენტს რა თქმა უნდა ვუსმენ, თუმცა რომ გითხრათ, დიდად საინტერესო აზრები მესმის, ეს ასე არ არის, - ასე გამოეხმაურა იუსტიციის მინისტრი თეა წულუკიანი პრეზიდენტის მოწოდებას, რომლის თანახმად უზენაესი სასამართლოს თავმჯდომარის კანიდატურის განხილვაში მმართველი გუნდიც უნდა ჩაერთოს. 

როგორც წულუკიანმა აღნიშნა, პრეზიდენტმა უნდა გააკეთოს განცხადება, თუ რა კრიტერიუმებით აარჩია თავის დროზე ნინო გვენეტაძის კანდიდატურა. 

"პირველ რიგში საქართველოს პრეზიდენტისგან ველოდებოდი და დღემდე ველოდები, იმას, რომ როდესაც მან პარლამენტს, ფართო კონსულტაციების შემდეგ შესთავაზა ნინო გვენეტაძის კანდიდატურა, მას უნდა ჩაებარებინა საზოგადოებისთვის ანგარიში, თუ რა დაინახა თავისივე გადაწყვეტილებაში, ნაკლი თუ დადებითი. მანამ სანამ საქართველოს პრეზიდენტი, რომელმაც ნინო გვენეტაძე თავის დროზე პარლამენტს შესთავაზა, არ შეაფასებს მისივე გადაწყვეტილებას და არ გვეტყვის რა იყო ამაში კარგი ან რა იყო ნაკლოვანი, რა თქმა უნდა, ზედაპირული მეჩვენება მისგან საუბარი თუ რა უნდა იყოს მომავალში. საქართველოს პრეზიდენტისა და მისი თანამშრომლებისგან განსხვავებით, მე არ მჩვევია, როდესაც ფართო კონსულტაციების შედეგად, ყველასთან შეთანხმებით დავდგები მედიის წინაშე, განვაცხადებ -წარმოგიდგენთ კანდიდატურას ამას და ამას, და როცესაც ეს ადამიანი გადადგება, მას შემდეგ რამდენიმე საათში უკან ქვა დავაწიო. ეს არ არის ჩემი მიდგომა. ჩემი მიდგომა არის სხვანაირი და კიდევ ერთხელ მოვუწოდებ საქართველოს პრეზიდენტს, რომ მის თანამშრომლებს, რომლებმაც რამდენიმე წლის წინ პარლამენტს შესთავაზეს ნინო გვენეტაძის კანდიდატურა, შეაფასონ მაშინდელი გადაწყვეტილება და გვითხრან, საზოგადოებასაც და მეც, იყო თუ არა ეს გადაწყვეტილება სწორი, რატომ იკავებენ თავს შეფასებისგან, რაც იყო დღემდე და რას აპირებენ მომავალში“, - განაცხადა თეა წულუკიამა.ჩემგან ქალბატონ ნინოს ჩემი შესაძლებლობების ფარგლებში როგორც ინსტიტუციური ასევე ადამიანურ მხარდაჭერა ჰქონდა", - განაცხადა თეა წულუკიანმა. 

ავტორი: ,

სოციალური ქსელები

TI ადამიანის უფლებათა ევროპულ სასამართლოში თბილისის საპროტესტო აქციების მონაწილის ინტერესებს დაიცავს.

ილჰამ ალიევმა დაამტკიცა საქართველოსთან ელექტროენერგიის მიწოდებისა და ტრანზიტის შესახებ შეთანხმება

ნანუკა ჟორჟოლიანი: „ერთიანი ნაციონალური მოძრაობის“ თავმჯდომარის თანამდებობის გაუქმება არ იგეგმება

WSJ: ისრაელმა აშშ-ს აცნობა, რომ ირანი ტრამპის მკვლელობას გეგმავს