ექსპერტი პოლიტიკურ საკითხებში რამაზ საყვარელიძე NDI-ის მიერ გამოქვეყნებულ კვლევას, რომლის თანახმადაც გამოკითხულთა 12% საპრეზიდენტო არჩევნებზე ხმას "ქართულ ოცნებას", ხოლო 10% "ნაციონალურ მოძრაობას" მისცემდა, ეჭვის თვალით უყურებს. 

როგორც ექსპერტმა "ექსპრესნიუსთან" საუბარში აღნიშნა, მისთვის გაუგებარია თუ რატომ აქვს "ქართულ ოცნებას" 12%-იანი მაჩვენებელი. 

‘’ჩემთვის პირადად გაუგებარი შედეგია, იმ თვალსაზრისით, რომ 12%  აქვს,,ქართულ ოცნებას’’. როცა საუბარია მხოლოდ პარტიაზე, პრაქტიკულად, არასოდეს არ ჰქონია მსგავსი შედეგი. რაც შეეხება ‘’ნაციონალური მოძრაობის’’ მოგების შანსებს, პრეზიდენტი ერთია, ერთიანი იდეაა და მეეჭვება მათ მოგების შანსი ჰქონდეთ. ჯერ ერთი მეეჭვება, ეს მონაცემი იყოს სწორი, მეორეც, ,,ნაციონალურმა მოძრაობამ’’ მოახერხოს რეიტინგის გაზრდა, იმიტომ, რომ მისი საპრეზიდენტო კანდიდატი უკვე ბევრ შეცდომას უშვებს და საეჭვოა, მისმა გამონათქვამებმა მიიზიდოს მსმენელი. ჯერჯერობით არცერთ არჩევნებში ,,ნაციონალურ მოძრაობას’’ რაიმე არსებული, გარდა იმ 10–13 პროცენტისა, არ მოუპოვებია’’, – განაცხადა რამაზ საყვარელიძემ.

შეგახსენებთ, რომ NDI- ს კვლევების თანახმად, კითხვაზე – ხვალ რომ საპრეზიდენტო არჩევნები იყოს, რესპოდენტთა 15%-მა განაცხადა, რომ არც ერთ კანდიდატს ხმას არ მისცემდა, 12%-მა "ქართული ოცნების"  კანდიდატი დაასახელა, 10% „ერთიანი ნაციონალური მოძრაობის“ კანდიდატს დაუჭერდა მხარს, 6% - გიორგი მარგველაშვილს.

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს