საბერძნეთში დაღუპულთა რაოდენობამ 87-ს მიაღწია - ხანძარი შესაძლოა, ხელოვნურად გააჩინეს

2018-07-27 11:11:30, 1817 ნახვა

მსოფლიო

საბერძნეთში ხანძრის შედეგად დაღუპულთა რაოდენობა 87-მდე გაიზარდა, - ამის შესახებ AP იუწყება.

მედია საშუალების ინფორმაციით, სტიქიის შედეგად სხვადასხვა სახის დაზიანებები 200-ზე მეტმა ადამიანმა, მათ შორის 23-მა ბავშვმა მიიღო. ამ დროისთვის უცნობია, თუ რამდენი ადამიანი ითვლება დაკარგულად.

მედიის ცნობით, რტული მეტეოლოგიური პირორბების გამო ხანძრის ჩაქრობა ვერ ხერხდება. ცეცხლი დასახლებულ პუნქტებამდეა მისული. დაიწვა ასობით სახლი.

ადგილობრივი ხელისუფლების განცხადებით, ხანძარი სავარაუდოდ ხელოვნურად არის გაჩენილი.

მოქალაქეები ხანძრისგან თავის დაღწევას ცდილობენ და საცხოვრებელი სახლების სახურავებზე ადიან. საბერძნეთში ბოლო პერიოდის განმავლობაში მაღალი ტემპერატურა ფიქსირდება.
ქვეყნის პრემიერ-მინისტრმა ალექსის ციპრასმა მომხდართან დაკავშირებით 3-დღიანი გლოვა გამოაცხადა. მისივე განცხადებით, საბერძნეთი მის ისტორიაში ერთ-ერთ ყველაზე რთლ მდგომარეობაშია.

ცნობისთვის, ხანძარი საბერძნეთში უკვე რამდენიმე დღის განმავლობაში მძვინვარებს. დღეს საბერძნეთმა დახმარების თხოვნით ევროპის სხვადასხვა ქვეყნებს მიმართა. ესპანეთის მთავრობა, გადაწყვიტა, რომ საბერძნეთის დასახმარებლად 2 თვითმფრინავი გამოყოს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები