ფინანსთა მინისტრი ივანე მაჭავარიანი პარტია „ქართული ოცნების“ თავმჯდომარის, ბიძინა ივანიშვილის განცხადებას გამოეხმაურა, რომლის თანახმადაც ყოფილმა პრემიერ-მინისტრმა გიორგი კვირიკაშვილმა და ეკონომიკისა და მდგრადი განვითარების ყოფილმა მინისტრმა დიმიტრი ქუმსიშვილმა საზოგადოებას საერთაშორისო სავალუტო ფონდის კვლევა დაუმალეს.

როგორც მაჭავარიანმა განმარტა, თუ მხარეები კვლევის შედეგებზე ვერ თანხმდებიან, მათ აქვთ უფლება, კვლევა არ გამოაქვეყნონ.

„არსებობს სავალუტო ფონდის 2016 წლის კვლევა, რომელიც არ გამოქვეყნებულა. ეს არის სავალუტო ფონდის და მთავრობის ერთობლივი ნამუშევარი. როდესაც მიდის დისკუსიები, შეიძლება მთავრობა ან სავალუტო ფონდი ამ დასკვნას არ ეთანხმებოდეს, ასეთ შემთხვევაში კვლევა არ გამოქვეყნდება. მაგ კვლევაში ასახული ბევრი ნეგატიური მომენტები სრულად არის გათვალისწინებული დღევანდელი ხელისუფლების მიერ და ჩვენ ვმუშაობთ მის აღმოფხვრაზე. სამაგიეროდ, შემიძლია ვთქვა, რომ 2018 წლის 27 ივნისის კვლევა არის ბოლო წლებში საქართველოში გაკეთებული ყველაზე კარგი დასკვნა და მოგიწოდებთ წაიკითხოთ. კიდევ ერთხელ ვამბობ, რომ ვერ მოხდა შეთანხმება მხარეებს შორის და ამიტომ არ გამოქვეყნდა ეს კვლევა. მთავარია ამ საკითხების დღევანდელი მთავრობის მიერ გათვალისწინება“, - განაცხადა ივანე მაჭავარიანმა.

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს