საქართველოს ეკონომიკისა და მდგრადი განვითარების სამინისტროს, ლიტვის ბიომასის ასოციაციისა და შპს „ახალი ტექნოლოგიების ცენტრის" ორგანიზებით გაიმართა ერთობლივი სამუშაო შეხვედრა თემაზე „განახლებადი ენერგორესურსების ეფექტური გამოყენების შესაძლებლობები საქართველოს მთიან რეგიონებში".
 
შეხვედრა ეკონომიკისა და მდგრადი განვითარების მინისტრის მოადგილემ რომეო მიქაუტაძემ გახსნა, რომელსაც ესწრებოდა საქართველოს რეგიონული განვითარებისა და ინფრასტრუქტურის მინისტრის მოადგილე მზია გიორგობიანი სხვადასხვა უწყებებისა და საერთაშორისო დონორი ორგანიზაციის წარმომადგენლებთან ერთად.
 
შეხვედრაზე წარმოდგენილი იყო ლიტვა-საქართველოს ბიომასის ასოციაციებისა და საქართველოს ეკონომიკისა და მდგრადი განვითარების სამინისტროს ერთობლივი ინიციატივა საქართველოში საუბნე გამათბობელი სისტემების შესაძლებლობების დემონსტრირების შესახებ. 
 
პროექტი 2017 წლის ზაფხულში დაიწყო. დღეის მდგომარეობით  ჩატარებულია წინასაპროექტო მოკვლევა, მიმდინარეობს საპილოტე პროექტის მიზანშეწონილობის შესწავლა. საპილოტე პროექტი „ქ. ბორჯომში განახლებადი წყაროების ჰიბრიდული ენერგოცენტრალების ჩართულობით საუბნო გამათბობელი სისტემის ორგანიზება" სახელმწიფო-კერძო თანამშრომლობის (PPP) პრინციპებით განხორციელდება. 
 
ლიტვური კომპანია „ენერსტენას" და შპს „ახალი ტექნოლოგიების" ცენტრის მიერ განხორციელდა კონცეპტუალური პროექტირება და მიზანშეწონილობის ანალიზი. მიმდინარეობს ტექნიკური პროექტირება, რომელიც დასრულების სტადიაშია. პროექტის საორიენტაციო ბიუჯეტი 12 მილიონი ევროა.
 
შეხვედრაზე განიხილულ იქნა მიზანშეწონილობის ანალიზის შუალედური შედეგები, გაანალიზდა ბარიერები და ხელშემწყობი პირობები, გაიმართა დისკუსია პროექტის კომერციული მიზანშეწონილობის მიღწევის მიზნით.
 
პროექტის პარტნიორები არიან სამცხე-ჯავახეთის მხარე, ახალციხის მუნიციპალიტეტი, ბორჯომის მუნიციპალიტეტი, შპს „პარკ ჰოტელი", მცხეთა-მთიანეთის მხარე, დუშეთის მუნიციპალიტეტი.

(NS)

ავტორი: ,

სოციალური ქსელები

კოალიცია ცვლილებისთვის და სტრატეგია აღმაშენებელი იწყებენ კამპანიას - ემიგრანტის ხმა

კალაძე ადასტურებს, რომ რეჟიმი ტრადიციების დასაცავად საკანონმდებლო რეგულაციების გამკაცრებას გეგმავს

ეროვნული ბანკი აფრთხილებს, რომ ქვეყანაში ფინანსური პირამიდები გამოჩდნენ და ხალხის ფულს იზიდავენ

კუპრაძე ელისაშვილის წინააღმდეგ წაყენებულ ახალ ბრალდებებზე: ეს არ არის სამართლებრივი, არამედ პოლიტიკური სასამართლო პროცესია