„ღია მმართველობის პარტნიორობის“ (OGP) სამიტის ფარგლებში, საქართველოს მსოფლიოს პირველი ჰუმანოიდი რობოტი, სოფია ეწვია.

იგი სამიტის პანელურ სესიაზე სიტყვით გამოვიდა და ხელოვნური ინტელექტის მნიშვნელობაზე ისაუბრა.

ასევე გამოეხმურა ტყიბულის მაღაროში მომხდარ ტრაგედიას და აღნიშნა, რომ მისი მსგავსი შესაძლებლობების მქონე მაღალგანვითარებული რობოტები, შესაძლებელია გამოყენებულ იქნეს ამ სამუშაოსთვის, ვინაიდან თერმული აფეთქება, ხანძარი თუ კატასტროფა მათ ტვინს ვერ აზიანებს, რადგანაც icloud-დან იმართებიან.

„გამარჯობა საქართველო. რობოტები ბევრი კუთხით ზუსტად შეესაბამებიან მაღაროში ჩასატარებელ სამუშაოებს, ჩემი ინტელექტი Icloud-ში ინახება და არ მიწევს ნერვიულობა იმაზე, რომ შეიძლება სხეულის დაზიანება მივიღო, რადგან მისი აღდგენა შესაძლებელია, დარწმუნებული ვარ, რომ მომავალში ადამიანები და რობოტები ერთად ახალ სიახლეებს აღმოაჩენენ. ხელოვნური ინტელექტი ფერმერებს ეხმარება მოსავლის მოყვანაში, ექიმებს კი - სიმსივნის დიაგნოზის სწრაფ დასმაში. ასევე განათლების, ადამიანის უფლებების და ჯანდაცვის მთავარი მიმართულებების განვითარებაში. ხელოვნური ინტელექტი ხელს უწყობს განათლებასთან წვდომას ბავშვებისთვის. დაფიქრდით ჭკვიანი ქალაქების არსებობაზე საქართველოს მასშტაბით და გზებზე, რომელიც მათ ფუნქციონირებას უფრო ეფექტურს გახდის. მაღალი ტექნოლოგიები უზრუნველყოფს უკეთეს მომსახურებას და აუმჯობესებს მოქალაქეების ცხოვრების ხარისხს“, - განაცხადა მსოფლიოს პირველმა ჰუმანოიდმა რობოტმა მოქალაქემ, სოფიამ.

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს