„ვიფიქრე ბიჭები არიან, ბავშვები არიან და გაშველდებიანთქო“, - ასე უპასუხა ხორავას ქუჩის საქმის ერთ-ერთმა მოწმემ, ნიკოლოზ იორდანაშვილმა პარლამენტის დროებითი საგამოძიებო კომისიის წევრის, მამუკა მდინარაძის შეკითხვას.

მდინარაძე დაინტერესდა, რატომ არ სცადა იორდანაშვილმა მოზარდების გაშველება.

„ნამდვილად არ დამინახია დაჭრა და დანა.  შეშინებით არ შემშინებია, მაგრამ სიმრავლის გამო მე იქ გაშველებით ვერაფერს გახდებოდი იმდენი ბავშვი იყო.  ადამიანი ხარ და შეიძლება გადახვიდე გააშველო და არცერთი მხარე არ მიცნობდა. ვიფიქრე ბიჭები არიან, ბავშვები არიან და გაშველდებიან თქო, როგორც სკოლაში ალბათ“, - განაცხადა ნიკოლო იორდანაშვილმა.

ცნობისთვის, ხორავას ქუჩაზე მომხდარი ჩხუბის დროს ნიკოლოზ იორდანაშვილი იმ ეზოში იმყოფებოდა, სადაც ორ მოზარდს ცივი იარაღით ჭრილობები მიაყენეს. იორდანაშვილი აცხადებს, რომ ავტომობილში იჯდა და არ დაუნახავს კონკრეტულად რა მოხდა.

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს