განათლების, მეცნიერების, კულტურისა და სპორტის მინისტრობის კანდიდატის, მიხეილ ბატიაშვილის განმარტებით, უმაღლესი განათლების ხარისხის გაუმჯობესებაზე ზრუნვა ერთ-ერთი მთავარი პრიორიტეტი იქნება.

როგორც მან აღნიშნა, ხარისხის უზრუნველსაყოფად სისტემა ერთხელ და სამუდამოდ აირჩევს ევროპულ სტანდარტს, რაც საუკეთესო საშუალება იქნება, რომ უმაღლესი განათლების სისტემა ჰარმონიულად ინტეგრირდეს ევროპულ საგანმანათლებლო სივრცეში. 

მინისტრობის კანდიდატი ასევე შეეხო უმაღლესი განათლების დაფინანსების არსებულ მოდელს და დაადასტურა, რომ მსოფლიო ბანკის მხარდაჭერით უმაღლესი სასწავლო დაწესებულებების დაფინანსების ახალ მოდელზე მუშაობა აქტიურ ფაზაში გადავა.

მანვე აღნიშნა, რომ შემუშვებული მოდელი საზოგადოებას შემდგომი განხილვებისთვის უმოკლეს დროში წარედგინება.

საუბრის ბოლოს მიხეილ ბატიაშვილი განათლების სისტემის ინტერნაციონალიზაციის აუცილებლობას შეეხო და განაცხადა, რომ მნიშვნელოვანია მეცნიერების მხარდაჭერა, რათა მათ ჰქონდეთ საშუალება, ჩაერთონ საერთაშორისო კვლევებში. 

„სწორედ ჩვენი მეცნიერების მონაწილეობა საერთაშორისო კვლევებში და საქართველოსა და უცხოური წამყვანი უნივერსიტეტების ერთობლივი პროგრამები გაგვიყვანს რეალურ შედეგებზე, რაც საბოლოო ჯამში უმაღლესი განათლების ხარისხის მთავარი განმსაზღვრელი ფაქტორი იქნება“, - განაცხადა მიხეილ ბატიაშვილმა.

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს