პარლამენტმა უსაფრთხოების შესახებ კანონპროექტის განხილვა დაიწყო.

პროექტი შინაგან საქმეთა სამინისტროდან უსაფრთხოების სამსახურის ცალკე გამოყოფას ითვალისწინებს.

ცვლილების თანახმად, სახელმწიფო უსაფრთხოების სამსახურის შემადგენლობაში შედის შემდეგი დანაყოფები: კონტრდაზვერვის დეპარტამენტი, კონტრტერორისტული ცენტრი, სახელმწიფო უსაფრთხოების სამსახური, სპეციალური ოპერაციების დეპარტამენტი, ანტიკორუფციული სააგენტო. შსს–ში კი პოლიციის დანაყოფები რჩება. ესენია, კრიმინალური, საპატრულო, დაცვის პოლიცია, ასევე, შსს–ში შემავალი საჯარო სამართლის იურიდიული პირები, მომსახურებისა და საგანგებო სიტუაციების სააგენტოები.

ამასთან, პროექტის მიხედვით, უსაფრთხოების სამსახურის უფროსს საქართველოს მთავრობის წარდგინებით პარლამენტი აირჩევს. ის თანამდებობაზე 6 წლით დაინიშნება.

უსაფრთხოების სამსახურის უფროსი, ანგარიშვალდებული იქნება როგორც პარლამენტის, ასევე მთავრობის წინაშე.

სამსახურის ბიუჯეტი 36 743 994 ლარი იქნება.

უსაფრთხოების სამსახური 1 სექტემბრისთვის უნდა შეიქმნას. მომავალ წლამდე კი მისი დაფინანსებისთვის ასიგნებები შსს-ს ბიუჯეტიდან გამოიყოფა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს