„იუსტიციის მინისტრი მართლმსაჯულების სისტემის ხელმძღვანელი არ არის", - ამის შესახებ საქართველოს იუსტიციის მინისტრობის კანდიდატმა თეა წულუკიანმა დღეს მთავრობისთვის ნდობის გამოცხადების ფარგლებში საკომიტეტო მოსმენაზე გამოსვლისას განაცხადა.

როგორც მან აღნიშნა, იუსტიციის მინისტრი არის მთავრობის რიგითი წევრი  რომელსაც შეუძლია, პარლამენტს მართლმსაჯულების სისტემის გაჯანსაღებისთვის კარგი კანონები შესთავაზოს.

„იუსტიციის სამინისტრო მართლმსაჯულების საკანონმდებლო რეფორმებზე მუშაობას გააგრძელებს, თუმცა, საზოგადოების ზოგიერთი წევრის გასაგონად მინდა, კიდევ ერთხელ ამ ტრიბუნიდან განვმარტო −  კანონში ჩაიხედონ და ნახონ, რომ იუსტიციის მინისტრი არ არის მართლმსაჯულების სისტემის ხელმძღვანელი. იუსტიციის მინისტრი არის მთავრობის რიგითი წევრი  და ის არ გახლავართ მართლმსაჯულების სისტემის ხელმძღვანელი. მე შემიძლია, მხოლოდ კარგი კანონები შემოგთავაზოთ, რომლებიც მართლმსაჯულების სისტემას გააჯანსაღებს; ხოლო ის, თუ როგორ იმართება სისტემა, არის თუ არა იქ ხარვეზები, ამ კითხვებზე პასუხს ვერ ვაგებ და ვერც პასუხს გავცემ, რადგან ეს იქნებოდა იმ ფუნდამენტური პრინციპის დარღვევა, რასაც ხელისუფლების შტოებს შორის დანაწილების პრინციპი ქვია", − განაცხადა თეა წულუკიანმა.

(NS)

ავტორი: ,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე