გავაკეთებთ სრულ კომპენსაციებს, აღვადგენთ მოკლე ვადაში როგორც ინფრასტრუქტურას ასევე იმ საცხოვრებელ სახლებს რასაც ზიანი მიადგა, - ამის შესახებ პრემიერ-მინისტრმა მამუკა ბახტაძემ განაცხადა, რომელიც ჭუბერში სტიქიის შედეგების სალიკვიდაციოდ მიმდინარე სამუშაოებსა და არსებულ ვითარებას ადგილზე გაეცნო.

როგორც მან აღნიშნა, აღდგენითი სამუშაოები წყლის დონის დაკლებისთანავე დაიწყება და უმოკლეს ვადებში დასრულდება.

„როგორც კი წყლის დონე დაიკლებს, ყველაფერი უნდა აღვადგინოთ რაც შეიძლება მოკლე ვადებში. საქართველოში არის ძალიან ბევრი მდინარე, ეს არის ჩვენი სიმდიდრე და ამავე დროს საჭიროა სწრაფი რეაგირების და ადრე შეტყობინების სისტემები გვქონდეს ყველგან. დღეს გავქვს მხოლოდ ორ ადგილას. 2019 წლიდან ვიწყებთ ჩვენ ამ ძალიან მასშტაბურ პროგრამას და ორი წლის განმავლობაში ყველგან გვექნება, რომელიც გამორიცხავს  რომ ასეთი ფაქტების წინაშე აღმოვჩნდეთ. სტიქიურ უბედურებას წინ აღუდგე რთულია, მაგრამ მაქსიმალურად უნდა ვიყოთ ფოკუსირებული პრევენციაზე და ესეთი სისტემები სწორედ ამაში დაგვეხმარება. ეფექტური პრევენცია არის ყველაზე მისაღები პასუხი ასეთი გამოწვევების დროს. ეს არის ადრეული შეტყობინების სისტემის დამონტაჟება იმ მთებზე საიდანაც საშიშროება არსებობს, ჭარბი ნალექის მიღების, რაც საშუალება მოგვცემს რომ ვადაზე ადრე შევიტყოთ ასეთი რისკების შესახებ, აპრობირებული სისტემებია, საკმაოდ ძვირი ღირს მაგრამ ევროკავშირიც გვეხმარება და ძალიან მოკლე ხანებში დავამონტაჟებთ. როგორც აღვნიშნე ჩვენ გავაკეთებთ სრულ კომპენსაციებს, აღვადგენთ მოკლე ვადაში როგორც ინფრასტრუქტურას ასევე იმ საცხოვრებელ სახლებს რასაც ზიანი მიადგა, ბუნებრივია თუ ინჟინრებმა თქვეს რომ ჯობია მოხდეს სახლის გადატანა ამასაც აუცილებლად გავაკეთებთ და განვახორციელებთ. მაგრამ კიდე ერთხელ უნდა გავიმეორო, ჩვენ გვმართებს მეტი ინვესტიციები პრევენციაში, იმ სისტემებში, რომელიც მე აღვნიშნე. ეს გამორიცხავს  რომ დავდგეთ ასეთი ფაქტების წინაშე“, - განაცხადა ბახტაძემ.

ცნობისთვის, უხვი ნალექის შედეგად, სოფელ ჭუბერში მთის ნაწილის ჩამოშლამ მდინარე ნენსკრას ადიდება გამოიწვია. მდინარის კალაპოტიდან გადმოსვლის გამო დაიტბორა მიმდებარე ტერიტორია, რამაც ათეულობით თემი გარესამყაროს მოწყვიტა, უხვმა ნალექმა  ჩამორეცხა სოფლებს შორის დამაკავშირებელი საავტომობილო გზები. ღვარცოფის სალიკვიდაციოდ  მოხდა დამატებითი სამაშველო ჯგუფებისა და ტექნიკის მობილიზება უახლოესი ლოკაციებიდან.

ავტორი: ,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე