გაერთიანებული სამინისტროების სახელწოდებებში ცვლილებები შევიდა

2018-07-05 13:20:32, 1114 ნახვა

პოლიტიკა

გაერთიანებული სამინისტროების სახელწოდებებთან დაკავშირებული პარლამენტის რეკომენდაციები მთავრობამ გაიზიარა.

კერძოდ, მთავრობის საპარლამენტო მდივნის ნათია მიქელაძის განცხადებით, განათლების სამინისტროს სახელწოდებაში მეცნიერება კვლავ იქნება.

"კომიტეტმა მეორე მოსმენით განიხილა, სესიაზე იყო გამოთქმული დასათაურებასთან დაკავშირებით განათლების, კულტურის და სპორტის სამინისტროს სათაურში მეცნიერება დამატებოდა. მთავრობის პოზიცია არის, რომ დავეთანხმოთ ამ შემოთავაზებას და განათლების, მეცნიერების, კულტურისა და სპორტის სამინისტროს დასათაურებით იქნება წარმოდგენილი ახალი სამინისტროს სახელი. ასევე, ოკუპირებული ტერიტორიებიდან იძულებით გადაადგილებულ პირთა ნაცვლად იქნება ოკუპირებული ტერიტორიებიდან დევნილთა, ჯანდაცვისა და სოციალურ საკითხთა სამინისტრო",- განაცხადა ნათია მიქელაძემ.

მთავრობის სტრუქტურული ცვლილებების განხილვა პლენარულ სხდომაზე მეორე მოსმენით, დღეს განახლდება.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები