თალაკვაძე - აჭარის მთავრობის საკითხზე გუნდში კონსულტაციები იყო

2018-07-04 12:16:42, 770 ნახვა

კომენტარი

საპარლამენტო უმრავლესობის ლიდერი არჩილ თალაკვაძე ადასტურებს, რომ აჭარის მთავრობასთან დაკავშირებით გუნდში კონსულტაციები იყო.

ამის შესახებ თალაკვაძემ ჟურნალისტებს განუცხადა.

„კონსულტაციები იყო გუნდში ამ საკითხთან დაკავშირებით, გთხოვთ, ცოტა ხნით დაელოდოთ და დღის მეორე ნახევარში აჭარის მთავრობის მხრიდან ოფიციალური ინფორმაცია გახდება ცნობილი“, - განაცხადა არჩილ თალაკვაძემ ჟურნალისტებთან საუბრისას.

ცნობისთვის, აჭარის მთავრობის თავმჯდომარე ზურაბ პატარაძემ შესაძლოა თანამდებობა დატოვოს.

"ექსპრესნიუსის" ინფორმაციით, აჭარის მთავრობაში 14:00 საათზე ბრიფინგია ჩანიშნული, რომელზეც ზურაბ პატარაძე განცხადებას გააკეთებს.

ზურაბ პატარაძემ აჭარის ავტონომიური რესპუბლიკის მთავრობის თავმჯდომარის პოსტი 2016 წლის 14 ივლისს დაიკავა. პატარაძის გადადგომის შემთხვევაში ავტომატურად გადადგება აჭარის მინისტრთა კაბინეტიც.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები