სახალხო დამცველის მოადგილის, გიორგი ბურჯანაძის შეფასებით, ხორავას ქუჩის საქმის შემსწავლელი პარლამენტის დროებითი საგამოძიებო კომისიის მიერ შემუშავებული რეკომენდაციები, ფაქტობრივად და სამართლებრივად გამართულია.

როგორც მან კომისიის წევრებთან შეხვედრის შემდეგ ჟურნალისტებს განუცხადა, ფაქტობრივ გარემოებებთან დაკავშირებით, რომელზეც ამ კონკრეტულ რეკომენდაციებშია საუბარი, ომბუდსმენის აპარატსაც ანალოგიური მიგნებები ჰქონდა.

"ერთ-ერთი მნიშვნელოვანი საკითხი, რომელზეც ვიმსჯელეთ არის ის, თუ რა რეაგირების ფორმები უნდა ჰქონდეს კომისიას. მოგეხსენებათ, ეს არის პირველი საგამოძიებო კომისია, რომელიც შეეხება მიმდინარე სისხლის სამართლის საქმეს, რასაც ბუნებრივად ახლავს გარკვეული დელიკატურობა და გარკვეული ფრთხილი მიდგომები საჭიროა. ჩვენ განვიხილეთ ის სამართლებრივი საკითხები, რომელიც ამ კუთხით არსებობს და შესაბამისი საკანონმდებლო სტანდარტები. ბუნებრივია, ვიმსჯელეთ კონკრეტულ იმ რეკომენდაციებზე, რომელიც შემუშავებულია. შინაარსობრივი და ასევე პროცედურული თვალსაზრისით ამ ეტაპზე კონკრეტული შენიშვნის გაკეთება ძალიან გვიჭირს. მე მგონი ეს რეკომენდაციები ფაქტობრივად და სამართლებრივად გამართულია. ვნახოთ რა კონკრეტულ გადაწყვეტილებას მიიღებს კომისია. ფაქტობრივ გარემოებებთან დაკავშირებით, რომელზეც ამ კონკრეტულ რეკომენდაციებშია საუბარი, ბუნებრივია, ჩვენც ანალოგიური მიგნებები გვქონდა და ფაქტობრივი თვალსაზრისით ამ გარკვეულ ეჭვებს და კითხვის ნიშნებს ჩვენც ვეთანხმებით“, - განაცხადა ბურჯანაძემ.

ავტორი: ,

სოციალური ქსელები

ჩერგოლეიშვილი – ღნავიან, სასამართლოს დაწვის ამოცანით შენობაში შეჭრილ ელისაშვილს ამდენი წელი რატომ მიუსაჯესო, ამ უპასუხისმგებლო არსების ჰეროიზაციას ახდენენ

წინასწარ შემიძლია ვთქვა, რომ ზარალი იქნება დიდი – კახეთის რწმუნებული ადიდებულ მდინარეზე

თელავში უხვი ნალექის შედეგად დაიტბორა საცხოვრებელი სახლებისა და შენობების პირველი სართულები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან