ხორავას ქუჩაზე მოკლული მოზარდის დავით სარალიძის მამა, ზაზა სარალიძე გამოკითხვაზე მივიდა. სარალიძესთან ერთად ვაკე-საბურთალოს პოლიციის განყოფილებაში მალხაზ მაჩალიკაშვილი და ზვიად კუპრავაც იმყოფებიან.

სარალიძე 6 მაისს, თბილისის საქალაქო სასამართლოს სასადილოში მომხდარ ინციდენტთან დაკავშირებით გამოიკითხება, რა დროსაც მასთან ერთად მყოფი ზვიად კუპრავა სასადილოდან სასამართლოს დარბაზში ძალის გამოყენებით აიყვანეს. კუპრავას წინააღმდეგ გამოძიება სსკ-ის 366-ე მუხლით არის დაწყებული, რაც სასამართლოს უპატივცემულობას გულისხმობს.

თავად ზვიად კუპრავა ბრალდებას აბსურდულს უწოდებს.

„ნუ ექნება ივანიშვილს ილუზია, რომ ჩემი ციხეში გამომწყვდევით ან თუნდაც სადმე გამომწყვდევით ამ პროცესებს შეაჩერებს. სადაც არ უნდა ვიყოთ - თუ ეს იქნება ციხეში, ციხიდან ჩამოვშლით ამ სისტემას, ვიქნებით თქვენთან ეთერში, ეთერიდან ჩამოვშლით ამ სისტემას, ვიდგებით რუსთაველზე, რუსთაველიდან ჩამოვშლით ამ სისტემას, ჩვენი იარაღი არის სიმართლე, რომელიც ჩვენ გაგავაჩნია, რაც არ აქვს ხელისუფლებას ჩვენგან განსხვავებით და იმიტომ მარცხდება ყოვლედღიურ რეჟიმში. ის რომ მე დღეს მსგავსი აბსურდული ბრალი წამიყენეს, ეს კიდევ ერთი აღიარებაა შინაგან საქმეთა სამინისტროსი და სახელმწიფო უწყებების, რომ არაერთი ბრძოლა წააგეს“, -განაცხადა ზვიად კუპავამ.

რაც შეეხება სარალიძეს, ის აცხადებს, რომ სასადილოში ზვიად კუპრავას არავითარი კანონი არ დაურღვევია.

„სასადილოს ინციდენტთან დაკავშირებით, რასაც ზვიად კუპრავას ედავებიან არის აბსურდი და სისულელე. ძალიან ბევრი დეტალია იქ რაც პირიქით, ამათ საწინააღმდეგოდ მეტყველებს. მაინტერესებს რა კითხვებს დამისვამენ. სიმართლე გითხრათ, რა უნდა ვისაუბრო ისიც არ ვიცი, რადგან იქ არაფერი მომხდარა სამართალსაწინააღმდეგო“- აღნიშნა ზაზა სარალიძემ.

ავტორი: ,

სოციალური ქსელები

ჩერგოლეიშვილი – ღნავიან, სასამართლოს დაწვის ამოცანით შენობაში შეჭრილ ელისაშვილს ამდენი წელი რატომ მიუსაჯესო, ამ უპასუხისმგებლო არსების ჰეროიზაციას ახდენენ

წინასწარ შემიძლია ვთქვა, რომ ზარალი იქნება დიდი – კახეთის რწმუნებული ადიდებულ მდინარეზე

თელავში უხვი ნალექის შედეგად დაიტბორა საცხოვრებელი სახლებისა და შენობების პირველი სართულები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან