საგარეო საქმეთა მინისტრმა დავით ზალკალიანმა „ოთხოზორია-ტატუნაშვილის სიასთან" დაკავშირებით დიპლომატიურ კორპუსთან შეხვედრა გამართა.

როგორც მინისტრმა აღნიშნა, შეხვედრაზე დიპლომატიური კორპუსის წარმომადგენლებმა სიასთან დაკავშირებით დეტალური ინფორმაცია მიიღეს.

„ჩვენი შეხვედრა ემსახურებოდა დიპლომატიური კორპუსის ინფორმირებას  „ტატუნაშვილი-ოთხოზორიას სიასთან" დაკავშირებით.  მათ დეტალურად განვუმარტე ის კრიტერიუმები, რის საფუძველზეც  მოხდა ამ სიის ფორმირება. ასევე ის, თუ რას ითვალისწინებს საქართველოს პარლამენტის რეზოლუცია და მთავრობის დადგენილება, რა ნაბიჯები უნდა გადადგას საგარეო საქმეთა სამინისტრომ საერთაშორისო თანამეგობრობასთან ერთად", - განაცხადა ზალკალიანმა.

შეხვედრაზე  მინისტრმა ხაზი გაუსვა,  რომ აღნიშნული მიმართულებით უკვე გადადგმულია გარკვეული ნაბიჯები. ამ კუთხით, ყურადღება გაამახვილა ევროპარლამენტის რეზოლუციაზე, სადაც მკაფიოდ არის საუბარი იმაზე, რომ ევროკავშირმა  და ევროკავშირის წევრმა ქვეყნებმა უნდა მიიღონ შესაბამისი სანქციები ამ  სიასთან დაკავშირებულ  პირებთან მიმართებაში. ასევე პოზიტიურად შეაფასა აშშ-ის წარმომადგენლობითი პალატის საკანონმდებლო ინიციატივა.

„საგარეო საქმეთა სამინისტრო ინტენსიურად  იმუშავებს ყველა პარტნიორ ქვეყანასთან, ყველა საერთაშორისო სტრუქტურასთან, იმისთვის, რომ ის დავალება რაც საგარეო საქმეთა სამინისტროს აქვს, საერთაშორისო თანამეგობრობის ინფორმირება იმისთვის, რომ იმ პირების მიმართ, რომელთაც ჩადენილი აქვთ დანაშაული ოკუპირებულ ტერიტორიაზე შემოღებულ იქნას შემზღუდავი ზომები, რომ დადგეს შესაბამისი შედეგები", - აღნიშნა დავით ზალკალიანმა.

მინისტრის განცხადებით, აღნიშულთან დაკავშირებით ყველა ქვეყანა თავისი კანონმდებლობის ფარგლებში იმოქმედებს, რისთვისაც აუცილებელია კოორდინირებული მუშაობა.

ავტორი: ,

სოციალური ქსელები

ივანიშვილის რეჟიმი ტუტუშკების მორალის პოლიციას აყალიბებს, რომლებიც მოქალაქეებს ღიად გაუსწორდება

რეჟიმის შსს ადასტურებს აქცის 10 მონაწილის დაკავებას ბანერების გამო

ბანერების გამო საპროტესტო აქციის მონაწილეები დააკავეს, პოლიციამ მომიტინგეებს სცემა

ბანერის ჭერის გამო თორნიკე თოშხუა წვრილმანი ხულიგნობის მუხლით დააკავეს