წულუკიანი - დაეთანხმებიან თუ არა მმართველი პარტიის წევრები სამინისტროების შემცირებას დღეს გახდება ცნობილი

2018-06-23 14:19:51, 1082 ნახვა

პოლიტიკა

იუსტიციის მინისტრის თეა წულუკიანის ინფორმაციით, დღეს მმართველ გუნდში დაგეგმილ კონსულტაციებზე გადაწყდება შემცირდება თუ არა სამინისტროების რაოდენობა.

როგორც წულუკიანმა ჟურნალისტებს განუმარტა, პრემიერი პარლამენტის დეპუტატებთან ახალ ინიციატივას დეტალურად განიხილავს. მინისტრმა იმედი გამოთქვა, რომ "ქართული ოცნება" მამუკა ბახტაძის შემოთავაზებას მხარს დაუჭერს.

"პრემიერი აგრძელებს კონსულტაციებს მმართველ პარტიასტან, იმისათვის, რომ სამინისტროების 11-მდე შემცირების საკითხი დეპუტატებთან დეტალურად განიხილონ. ეს უნდა მოხდეს ისე, როგორც საკონსტიტუციო მოდელის პირობებში არის საჭორი და მიზანშეწონილი. საბოლოო გადაწყვეტილება დაეთანხმებიან თუ არა მმართველი პარტიის წევრები ამ წინადადებას დღეს გახდება ცნობილი. იმედი მაქვს, რომ პრემიერ-მინისტრის ინიციატივას ფართე მხარდაჭერა ექნება "ქართული ოცნების" რიგებში", - განაცხადა თეა წულუკიანმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები