„ძალიან მნიშვნელოვანი მოწმეები არ არიან კრიტიკულად დაკითხული მთელ რიგ გარემოებებზე, რომელსაც შესაძლებელია, ნათელი მოეფინა იმ კითხვებისთვის, რაც დღეს გვაქვს გამოძიების მისამართით“, - ამის შესახებ სახალხო დამცველმა ნინო ლომჯარიამ განაცხადა, რომელიც ხორავას ქუჩაზე მომხდარი მკვლელობის საქმის შემსწავლელი კომისიის სხდომას ესწრებოდა.

როგორც ლომჯარიამ აღნიშნა, ჩნდება შთაბეჭდილება, რომ გარკვეულ მოწმეებს ხელს უწყობს მათ შორის ბრალდების მხარეც, რათა ვიღაცისთვის სასურველი პასუხების მიიღოს.

„დღევანდელი სხდომიდან არაფერი ახალი არ გამიგია იქიდან გამომდინარე, რომ ბატონ ზაზასთანაც არაერთხელ ვისაუბრეთ და ვიმსჯელეთ ამ საკითხებზე, საქმის მასალებსაც ვიცნობთ. ყველაზე საინტერესო ალბათ ჩვენთვის იქნება მოწმეთა დაკითხვა, იმიტომ რომ გამოძიების მასალებიდანაც ჩანს, ძალიან მნიშვნელოვანი მოწმეები არ არიან კრიტიკულად დაკითხული მთელ რიგ გარემოებებზე, რომელსაც შესაძლებელია, ნათელი მოეფინა იმ კითხვებისთვის, რაც დღეს გვაქვს გამოძიების მისამართით. ასე რომ ჩემთვის ყველაზე საინტერესო იქნება იმ მოწმეთა დაკითხვა, რომელიც მონაწილეობას იღებდა უშუალოდ ინციდენტში. ძალიან მნიშვნელოვანი იქნება, დაისვას იმგვარი კითხვები, რაც დაგვანახებს, რამდენად გულწრფელად საუბრობენ მოწმეები, რადგან სასამართლო პროცესზეც ჩნდება შთაბეჭდილება, რომ გარკვეულ მოწმეებს ხელს უწყობს მათ შორის ბრალდების მხარეც, რომ ისეთი პასუხები მიიღოს, რომელიც შეიძლება ვიღაცისთვის იყოს სასურველი“, - განაცხადა ნინო ლომჯარიამ.

ავტორი: ,

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება