მიხეილ სააკაშვილის მიერ პარტიის თავმჯდომარეობის დატოვებაზე საუბარი ნაადრევია,  ეს ხელისუფლების ქმედებებზეა დამოკიდებული, - ამის შესახებ „ერთიანი ნაციონალური მოძრაობის“ ლიდერმა გიორგი ვაშაძემ ჟურნალისტებს განუცხადა.

ვაშაძის შეფასებით, მიხეილ სააკაშვილის ოდესის გუბერნატორად დანიშვნა, მსოფლიოში პრაქტიკაში მნიშვნელოვანი პრეცედენტია და ეს საქართველოს ბევრ პოზიტივს მოუტანს.

რაც შეეხება სააკაშვილის მოქალაქეობის საკითხს, როგორც ვაშაძემ აღნიშნა, ხელისუფლების გადასაწყვეტია დართავენ თუ არა საქართველოს ყოფილ პრეზიდენტს უფლებას ჰქონდეს ორმაგი მოქალაქეობა.

„ეს არის თემა, რომელზეც პასუხი ხელისუფლებამ უნდა გასცეს საზოგადოებას. თუ რას აპირებენ ისინი - დართავენ თუ არა ორმაგი მოქალაქეობის შესაძლებლობას მიხეილ სააკაშვილს.  მათ უნდა გასცენ პასუხი და ამის შემდეგ იქნება ჩვენი კომენტარები და რეაგირებები ამ თემასთან დაკავშირებით. საქართველოს კანონმდებლობა ითვალისწინებს ორმაგ მოქალაქეობას და შესაბამისად, ეს სავსებით შესაძლებელია, ასე რომ ძალიან ბევრი რამ არის დამოკიდებული პოლიტიკურ გადაწყვეტილებაზე, რომელიც ხელისუფლებამ უნდა მიიღოს. მიხეილ სააკაშვილი საქართველოს მოქალაქეობის დათმობასთან დაკავშირებით, თვითონ არავის არ მიმართავს განცხადებით", - აღნიშნა ვაშაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს