იუსტიციის მინისტრობის კანდიდატის, თეა წულუკიანის ინფორმაციით, კომერციული პალატების შესახებ კანონი მზადაა.

ამის შესახებ მან მთავრობის შემადგენლობისათვის ნდობის გამოცხადების ფორმატში კომიტეტების გაერთიანებულ სხდომაზე განაცხადა

„მომავალში ჩვენ ვგეგმავთ მართლმსაჯულების რეფორმაზე მუშაობის გაგრძელებას. როგორც იცით, ე.წ. მე-4 ტალღა მიჰყავს პარლამენტს, მაგრამ ჩვენი, იუსტიციის სამინისტროს, კომპონენტი ამ მეოთხე ტალღაში, ასევე, ვფიქრობ, არის მნიშვნელოვანი. ეს ეხება კომერციული პალატების საერთო სასამართლოების სისტემაში შემოღებას; ეს არის მთავრობის ამ შემადგენლობის პროგრამაშიც, კანონპროექტი მზადაა და როგორც კი დაინტერესებულ მხარეებთან გაიხსნება კონსულტაციები და შევჯერდებით საბოლოო რედაქციაზე, ის წარმოდგენილი იქნება თქვენ წინაშეც. ეს გაამარტივებს ბიზნესდავების განხილვას უფრო სწრაფად, უფრო სამართლიანად და უფრო კომპეტენტურად ჩვენივე საერთო სასამართლოების სისტემაში.  რაც შეეხება დანარჩენ კომპონენტებს მეოთხე ტალღისა, რა თქმა უნდა, პარლამენტის მიერ ჩამოყალიბებულ ფორმატში  ჩვენ  ვთანამშრომლობთ და კიდევ უფრო აქტიურად ვითანამშრომლებთ, რათა ის დარჩენილი ხარვეზები ამ სისტემაში რაც შეიძლება მალე იქნეს აღმოფხვრილი“, - განაცხადა თეა წულუკიანმა.

(NS)

ავტორი: ,

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება