ირაკლი მამალაძე: მივმართავ საპატრიარქოს, დეკანოზ გიორგი მამალაძის სექსუალური ტიპის დანაშაული გამოიკვლიოს (ვიდეო)

2018-05-28 13:07:26, 2002 ნახვა

კომენტარი

ე.წ. ციანიდის საქმის მთავარი მოწმეს, ირაკლი მამალაძეს პროკურატურასთან და საპარტიარქოსთან კითხვები აქვს.

როგორც მან დღეს გამართულ პრესკონფერენციაზე განაცხადა, კითხვები საპატრიარქოს დაცვის ყოფილ წევრ ტარას შავშიშვილს, პატრიარქის დაცვის ყოფილ უფროსს სოსო ოხანაშვილს და დეკანოზ გიორგი მამალაძეს უკავშირდება.

„პირველი სად გაქრა "უდანაშაულო" სოსო ოხანაშვილი? მეორე რა უნდოდა პედოფილიაში ბრალდებულ ტარას შავშიშვილს საპატრიარქოს დაცვაში? ეს ადამიანი 53-ე სკოლიდან გამოაძევეს რადგან პატარა გოგოებს დასდევდა და მესამე, მივმართავ საპატრიარქოს რატომ არ არის შესწავლილი და მოკვლეული მამა გიორგის საქმიანობა დონეცკის ოლქში, სადაც ის ეწეოდა მღვდელმსახურებას და რომელიც არის ასევე შემჩნეული ძალიან მძიმე სახის სექსუალურ დანაშაულში, ამის გამო მას მანქანა დაუწვეს, დღეს კი ეს ადამიანი ამბობს, რომ ციანიდი სჭირდებოდა ადამიანების დასახმარებლად“, - განაცხადა მამალაძემ.

მამალაძეს ასევე აინტერესებს, რატომ მუაობდა მამა გიორგი ორ საკვანძო თანამდებობაზე და რა დამსახურებისთვის ჩამოკიდეს მას ორი ჯვარი.

"ის იყო ქონების მართვის სამსახურის უფროსი და საპატრიარქოს კლინიკის ხელმძღვანლად დანიშნეს. ამ კითხვებზე ვითხოვ პასუხს და ასევე იმაზე თუ სადაა ეს "ნათელი" სამი პიროვნება დღეს?",- აღნიშნა მამალაძემ.

ირაკლი მამალაძემ ასევე ისაუბრა, გუშინ „რუსთავი 2“-ის ეთერში გადაცემა "პოსტსკრიპტუმში" გასული სიუჟეტის შესახებ.

"ნუთუ ამ ტელეკომპანიამ, სიუჟეტის მომზადების დროს, ვერ იპოვა ვერცერთი ოქრომჭედელი, რომელიც იტყვის, რომ დიახ, მე ციანიდს გამოვიყენებ ჩემს საქმიანობაში. არამგონია, რომელიმე ოქრომჭედელს ციანიდი სჭირდებოდეს საქორწინო ბეჭდის დასამზადებლად, რუსთავი 2-ის სიუჟეტიდან ყოველთვის ჩანს, რომ თითქოს მამა გიორგი არის ფრთიანი ანგელოზი და მას ციანიდი სჭირდებოდა კეთილი საქმიანობისთვის",- განაცხადა ციანიდის საქმის მთავარმა მოწმემ.

სალომე უბირია