საქართველოს პირველი დამოუკიდებელი რესპუბლიკის დაარსების 100 წლის საიუბილეო თარიღის ერთ-ერთი მასპინძელი ქალაქი თელავი იქნება.

ღონისძიებები თელავის ცენტრალურ მოედანზე 26 მაისს 12.00 საათზე დაიწყება, სადაც წარმოდგენილი იქნება სამხედრო ტექნიკა. აქვე გაიმართება ხელნაკეთი აქსესუარებისა და ხალხური რეწვის ნიმუშების გამოფენა, მოეწყობა ქართული ღვინის მოედანი, სადაც დღის განმავლობაში გაგრძელდება ქართული ღვინის გამოფენა-გაყიდვა.

საქართველოს გარემოს დაცვისა და სოფლის მეურნეობის სამინისტროს ორგანიზებით, თელავის ცენტრში ღვინის ფესტივალიც გაიმართება, სადაც კომპანიები საკუთარ პროდუქციას ადგილობრივ და უცხოელ სტუმრებს დააგემოვნებინებენ.  ფესტივალის ფარგლებში წარმოდგენილი  იქნება ღვინისა და ვაზის კულტურის ისტორიასა და ტრადიციებთან დაკავშირებული ვიზუალური მასალა, სხვადასხვა თემატური ფოტოსტენდი, გაიმართება ქართული ვაზის ჯიშების თეატრალიზებული წარმოდგენა,  შემეცნებითი ლექცია და სამეცნიერო დოკუმენტურის ფილმის „საქართველოს ღვინის აკვანი" ჩვენება.

ბავშვებისთვის დაგეგმილია გასართობი პროგრამა, რომლის ფარგლებშიც გაიმართება მხიარული სტარტები, სპორტული და მუსიკალური შეჯიბრებები.

მთელი დღის მანძილზე გაიმართება კონცერტები, რომლებშიც მონაწილეობას ადგილობრივ შემსრულებლებთან ერთად, მიიღებენ თელავთან დამეგობრებული სხვადასხვა ქალაქის ფოლკლორული ანსამბლები.

ღონისძიება საღამოს გალა-კონცერტითა და გრანდიოზული „ფოერვერკით" დასრულდება, რომელშიც მონაწილეობას ანსამბლები „ქართული ხმები", „ქუჩის ბიჭები", „ფრანი" და მომღერალი ნინი ქარსელაძე  მიიღებენ.

(NS)

ავტორი: ,

სოციალური ქსელები

საქართველოს ბანკის მხარდაჭერით ქუთაისის ტექნოლოგიურ ჰაბში TUMO Kutaisi ცენტრი გაიხსნა

ფაშინიანი: სომხეთმა რუსეთს, შესაძლოა, რკინიგზის იჯარის სახით 2 მილიარდი მოსთხოვოს

ტუსკი რუსულ რაკეტაზე: არ არსებობს საფუძველი ვიფიქროთ, რომ პოლონეთი იყო სამიზნე

აშშ-ის საელჩოს საქართველოში ახალი მოვალეობის შემსრულებელი ჰყავს