ხვალინდელი პროცესი ისტორიული მომენტია საქართველოსთვის, რუსეთისთვის და თავად სასამართლოსთვის, - ამის შესახებ საქართველოს ბრიტანელმა ადვოკატმა ბენ ემერსონმა ჟურნალისტებთან საუბრისას განაცხადა.

მისი თქმით, სტრასბურგის სასამართლოში ხვალ ამ მასშტაბის დარღვევების განხილვა პირველად მოხდება.

„ეს არის სასამართლო დავის გამოძიების ათწლიანი შეჯამება. გამოძიება მაშინ დაიწყო, როდესაც კონფლიქტის აქტიური ფაზა იყო და ცეცხლი შეწყვეტილი არ იყო. ყველფერი ეს მნიშვნელოვანია განსაკუთრებით იმიტომ, რომ საქართველო წელს ზეიმობს რუსეთის იმპერიისგან დამოუკიდებლობის გამოცხადების 100 წლის იუბილეს. ეს ისტორიული მომენტია ყველასთვის. ფსონები უკიდურესად სერიოზულია არამხოლოდ ქართველი ხალხისთვის, რომლისთვისაც ბუნებრივია განსაკუთრებით მნიშვნელოვანია ეს საკითხი, არამედ მნიშვნელოვანია იმიტომ რომ ეს იქნება ისტორიის პირველი ოფიციალური გადმოცემა და საკითხის განსჯა. ვიმედოვნებთ, რომ იმ თემის გააზრება ზედმიწევნით ზუსტად მოხდება, რაც ახლა გრძელდება. ვგულისხმობ რუსეთის მხრიდან საქართველოს ტერიტორიების ოკუპაციას. ეს მნიშვნელოვანია არამხოლოდ ქართველი ხალხისთვის არამედ ადამიანის უფლებთა ევროპული სასამართლოსთვისაც, რადგანაც პირველად მოხდება ამ მასშტაბის დარღვევების განხილვა. ეს დიდი გამოწვევაა სასამართლოსთვის, რომლის უზენაესობა დაცული უნდა იყოს“,- აღნიშნა ემერსონმა.

ცნობისთვის, აგვისტოს ომთან დაკავშირებით, რუსეთის წინააღმდეგ საქმის განხილვა სტრასბურგში ხვალ, გაიმართება.

ავტორი: ,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა