შინაგან საქმეთა სამინისტრომ ქალთა მიმართ და ოჯახში ძალადობის რისკის შეფასების ინსტრუმენტსა და შემაკავებელი ორდერების მონიტორინგის მექანიზმზე მუშაობა დაასრულა.

სამინისტროს ადამიანის უფლებათა დაცვის დეპარტამენტმა  სახელმწიფო სტრუქტურების, არასამთავრობო და საერთაშორისო ორგანიზაციების წარმომადგენლებთან შეხვედრა გამართა დარისკის შეფასების ინსტრუმენტი და შემაკავებელი ორდერების მონიტორინგის კონცეფცია, საჯარო განხილვის მიზნით, წარუდგინა.

შეხვედრას ესწრებოდნენ საქართველოს პარლამენტის იურიდიულ საკითხთა კომიტეტის, სახალხო დამცველის, მთავრობის ადმინისტრაციის, იუსტიციის სამინისტროს, საქართველოს პროკურატურის, სასჯელაღსრულებისა და პრობაციის,  შრომის, ჯანმრთელობისა და სოციალური დაცვის სამინისტროების, არასამთავრობო და საერთაშორისო ორგანიზაციების წარმომადგენლები.

შეხვედრის მონაწილეებმა განსახილველ საკითხთან დაკავშირებით საკუთარი მოსაზრებები გამოთქვეს, რომელთა გათვალისწინებით, რისკის შეფასების ინსტრუმენტი და მონიტორინგის მექანიზმი სამინისტროში მაისიდან დაინერგება.

კონცეფციის შემუშავების პროცესში გათვალისწინებულ იქნა სახალხო დამცველისა და საერთაშორისო ორგანიზაციების რეკომენდაციები.

რისკის შეფასების ინსტრუმენტი და მონიტორინგის მექანიზმი ადრეულ ეტაპზე ძალადობის პრევენციის,  ძალადობის განმეორების საფრთხეების წინასწარ განჭვრეტის და განმეორებითი ძალადობის თავიდან აცილების ეფექტიანი საშუალებაა. მათი დანერგვის მიზანია ოჯახში ძალადობის და ქალთა მიმართ ძალადობის წინააღმდეგ ბრძოლის ეფექტიანობის ზრდა.

აღნიშნული მექანიზმი გაეროს ქალთა ორგანიზაციასთან, ახალგაზრდა იურისტთა ასოციაციასა დაძალადობისაგან დაცვის ეროვნულ ქსელთან თანამშრომლობით  შეიქმნა.

(NS)

ავტორი: ,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება