როდესაც მძიმე და განსაკუთრებით მძიმე დანაშაულებზე ვსაუბრობთ, მართლმსაჯულების სისტემა უნდა იყოს ერთიანი და ამ ერთიანობას უნდა იზიარებდეს, მათ შორის, პრეზიდენტის ინსტიტუტი, - ამის შესახებ შინაგან საქმეთა მინისტრის მოადგილემ ნათია მეზვრიშვილმა ბარნოვის ქუჩაზე მომხდარ მკვლელობაზე საუბრისას განაცხადა.

როგორც მეზვრიშვილმა აღნიშნა, პოლიციაში შესულ შეტყობინებასთან დაკავშირებით რეაგირება დროული და შეტყობინების შესაბამისი იყო.

"რაც შეეხება თვითონ ფაქტს, ფაქტზე სამინისტრომ მოახდინა დროული და შესაბამისი რეაგირება. როგორი შეტყობინებაც მივიღეთ მსხვერპლისგან, რეაგირება იყო ამის შესაბამისი. შეტყობინება მხოლოდ შემაკავებელი ორდერის გამოწერის საფუძველს იძლეოდა და ის პოლიციამ დაუყოვნებლივ გასცა. შეტყობინებაში, რომ ყოფილიყო სისხლის სამართლის ნიშნები, ამას წინ ვერაფერი დაუდგებოდ. არანაირი მოტივაცია, რომ შშს-მ დანაშაული დაფაროს არ არსებობს.  სტატისტიკას პერიოდულად ვაქვეყნებთ", - განაცხადა ნათია მეზვრიშვილმა.

შეგახსენებთ, 13 აპრილს, ბარნოვის ქუჩაზე 25 წლის ქალს, მცირეწლოვანი შვილების თანდასწრებით ყელი გამოჭრეს, რის შედეგადაც ის ადგილზე გარდაიცვალა. მომხდართან დაკავშირებით, შსს-მ 14 აპრილს, მოკლულის მამინაცვალი, ვეფხია ბაქრაძე დააკავა.

ბაქრაძეს ბრალდება სისხლის სამართლის კოდექსის 111-109-ე მუხლის მესამე ნაწილის „ბ" ქვეპუნქტით (ოჯახის ერთი წევრის მიერ ოჯახის მეორე წევრის განზრახ მკვლელობა ჩადენილი განსაკუთრებული სისასტიკით) აქვს წარდგენილი, რაც სასჯელის სახედ და ზომად 16-დან 20 წლამდე ან უვადო თავისუფლების აღკვეთას ითვალისწინებს.

მას თბილისის საქალაქო სასამართლომ აღკვეთის ღონისძიების სახით პატიმრობა შეუფარდა.

ავტორი: ,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი