რუსეთის თავდაცვის უწყება: სირიაში 110 რაკეტაზე მეტი გამოიყენეს

2018-04-14 13:15:38, 2263 ნახვა

მსოფლიო

რუსეთის თავდაცვის უწყება: სირიაში 110 რაკეტაზე მეტი გამოიყენეს - 3 ადამიანი დაშავდა

რუსეთის თავდაცვის სამინისტრო ინფორმაციით, საერთასორისო კოალიციამ სირიაზე იერიშის განხორციელების დროს 110 რაკეტაზე მეტი გამოიყენა.

ინფორმაციას "რია ნოვოსტი" ავრცელებს.

უწყების ცნობით, დარტყმები ხორციელდებოდა როგორც ზღვიდან, ასევე ჰაერიდან.

"გამოიყენეს ფრთიანი რაკეტები და ასევე "ჰაერის" კლასის რაკეტებიც. სულ 110 რაკეტაზე მეტი იყო გაშვებული. დაშავდა 3 ადამიანი", - აცხადებენ რუსეთის თავდაცვის უწყებაში.

ცნობისთვის, დღეს დილით, საერთაშორისო კოალიციამ, რომელშიც აშშ, საფრანგეთი და ბრიტანეთი შედის, სირიაზე სარაკეტო დარტყმა განახორციელეს.

აღსანიშნავია, რომ სირიაზე სარაკეტო დარტყმას მსოფლიო ლიდერები უკვე გამოეხმაურნენ. საერთაშორისო კოალიციის ქმედებებს მხარი ევროკავშირმა, ჩრდილოატლანტიკურმა ალიანსმა და ევროპის სხვადასხვა ქვეყნებმა დაუჭირეს. რაც შეეხება რუსეთს, ქვეყნის პრეზიდენტმა ვლადიმერ პუტინმა გაერო-ს უშიშროების საბჭოს საგანგებო სხდომა მოიწვია და სირიაზე განხორციელებული იერიში დაგმო.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები