ე.წ. სახმრეთ ოსეთის დე-ფაქტო საგარეო საქმეთა სამინისტრო, ქვეყნის პრემიერ-მინისტრის გიორგი კვირიკაშვილის მიერ გაჟღერებულ ინიციატივას "ნაბიჯი უკეთესი მომავლისკენ" ეხმაურება.

როგორც "უწყების" განცხადებაშია ნათქვამი, მსგავსი ტიპის ინიციატივა ილუზორულია და რეალურ შედეგს არ მოიტანს.

"საქართველოს ხელისუფლება მიხვდა, რომ უახლოეს პერსპექტივაში სამხრეთ ოსეთის და აფხაზეთის "დაბრუნება" სამხედრო გზით შეუძლებელია და ტაქტიკის შეცვლა გადაწყვიტა. ახლა დღის წესრიგში მშვიდობიანი დარეგულირების კონცეფციაა - „თანამშრომლობის გზით ჩართულობის სტრატეგია“ და რიგი ე.წ. მშვიდობიანი ჰუმანიტარული ინიციატივები, რომლებსაც ოფიციალური თბილისი ძალიან აქტიურად არეკლამებს მსოფლიო მასშტაბით. ქართველ პოლიტიკოსებს გულუბრყვილოდ სჯერად, რომ სამხრეთ ოსეთის მოქალაქეებს მოუნდებათ ანკესზე წამოეგონ, რომელიც საქართველოს პრემიერ-მინისტრმა გიორგი კვირიკაშვილმა შემოაგდო.  ეს ინიციატივები არის მორიგი პიარ-აქცია და მოუქნელი მცდელობაა, რომ საქართველო საერთაშორისო საზოგადოების თვალში მშვიდობისმოყვარე ქვეყნად წარმოაჩინონ, რომელსაც კონსტრუქციული ხელისუფლება ჰყავს. ეს თბილისის მხრიდან სამხრეთ ოსეთთან თანამშრომლობის სურვილის გაჟღერების პირველი მცდელობა არაა, ამიტომ მსგავსი განცხადებების სერიოზულად აღქმა არ ღირს. არ გვაქვს იმედი, რომ თბილისში მეზობელ ახალგაზრდა სახელმწიფოებთან მშვიდობიანი თანაცხოვრება გადაწყვიტეს. მსგავსი ინიციატივები არის ილუზორული და რეალიზების შესაძლებლობას მოკლებული. ისინი განს წევენ არა მხოლოდ პრობლემის არსებობას, არამედ მის მოგვარებასაც", - ნათქვამია დე-ფაქტო უწყების განცხადებაში.

ავტორი: ,

სოციალური ქსელები

ლაიენი: სამხრეთ კავკასია მსოფლიოს ერთ-ერთი უდიდესი გზაჯვარედინია, მისი სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა