საქართველოს თავდაცვის მინისტრის თინა ხიდაშელის შეფასებით, ბუდაპეშტის საპარლამენტო ასამბლეამ ძალიან მნიშვნელოვანი დეკლარაცია მიიღო.

როგორც ხიდაშელმა თემის კომენტირებისას ჟურნალისტებს განუცხადა, ბუდაპეშტის საპალამენტო ასამბლეის მიერ მიღებული რეზოლუცია ახალი ხელისუფლების მიზანმიმართული შრომის შედეგია.

„ბუდაპეშტის საპალამენტო ასამბლეამ ძალიან მნიშვნელოვანი დეკლარაცია მიიღო. მოგეხსენებათ, პარლამენტის თავმჯდომარე და უშიშროების საბჭოს თავმჯდომარე ესწრებოდნენ ამ სხდომას. ტექსტი ღიაა, პირდაპირი, რაიმე ქვეტექსტების გარეშე. ეს ძალიან მნიშვნელოვანია ჩვენთვის. კარგად ვიცით, რომ საპარლამენტო ასამბლეები გაცილებით უფრო თამამი არიან საკუთარ გადაწყვეტილებებში, ეს სტანდარტულად ასე ხდება ხოლმე რა თქმა უნდა იმ მიზანმიმართული შრომის შედეგია, რასაც ბოლო წლების განმავლობაში ჩვენი ხელისუფლება ეწეოდა. ჯერი აღმასრულებელ ხელისუფლებაზეა. საინტერესო წლები გვაქვს წინ ბრიუსელთან ურთიერთობაში. სამი მინისტერიალი გვაქვს წინ, სადაც ძალიან კონკრეტულ გეგმებზე, მოლოდინებზე, შესაძლებლობებზე ვილაპარაკებთ. მე ოპტიმისტურად ვარ განწყობილი, თუმცა არ მინდა, რომ ერთი წუთით მაინც არარეალისტური ამოცანები დავსახოთ, ამიტომ ყველანი დაველოდოთ მინისტერიალებზე როგორ განვითარდება მოვლენები. ეს კარგი დასაწყისია, კარგი დასაწყისი იყო თურქეთის საგარეო საქმეთა მინისტრის განცხადება და ამ სასტარტო მდგომარეობით მივდივართ ივნისის ბოლოს თავდაცვის მინისტერიალზე. ვნახოთ როგორ განვითარდება მოვლენები“, - განაცხადა თინა ხიდაშელმა.

ცნობისთვის, დღეს თავდაცვისა და უშიშროების კომიტეტის თავჯდომარე ირაკლი სესიაშვილმა მედიას ნატო–ს რიგით მე–60 საპარლამენტო ასამბლეაზე მიღებულ დეკლარაციის ჩანაწერის მონაკვეთი გააცნო.

სესიაშვილის თქმით, ნატო–ს საპარლამენტო ასამბლეა ჩრდილოატლანტიკური ალიანსის მთავრობებსა და პარლამენტებს მოუწოდებს, ნატო–საქართველოს არსებითი პაკეტის იმპლემენტაციისათვის მხარდაჭერა განაგრძონ და ქვეყანას ე.წ. MAP-ი მიანიჭონ.

„ამ ასამბლეაზე მიღებული იქნება მხოლოდ ერთი დეკლარაცია, რომელიც შეეხებოდა ნატო–ს გაფართოებას.  ნატო–ს საპარლამენტო ასამბლეა მოუწოდებს ჩრდილოატლანტიკური ალიანსის მთავრობებსა და პარლამენტებს განაგრძონ ნატო–საქართველოს არსებითი პაკეტის იმპლემენტაციისთვის მხარდაჭერა  და ბუქარესტის 2008 წლის სამიტის გადაწყვეტილების    თანახმად, როგორც ნატო–ში საქართველოს  ინტეგრაციის  შემდგომი ნაბიჯი, მიანიჭონ ქვეყანას გაწევრიანების სამოქმედო გეგმა, ანუ ე.წ. მაპი“, – აღნიშნა სესიაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა

შსს მალანიაზე: ჰქონდა ინფორმაცია ავალიანზე თავდასხმაზე და პოლიციას არ შეატყობინა