საქართველოს სკოლებში გამოსაშვები გამოცდები 21 მაისიდან დაიწყება და 25 მაისის ჩათვლით გაგრძელდება.

ამის შესახებ   შეფასებისა და გამოცდების ეროვნული ცენტრის დირექტორის მოადგილემ ივა მინდაძემ განაცხადა.

მისივე თქმით, მოსწავლეები გამოცდებს ქართულ ენასა და ლიტერატურაში, საქართველოს ისტორიაში, ერთ-ერთ უცხო ენაში და მათემათიკაში ჩააბარებენ.

„21 მაისიდან  უშუალოდ  დაიწყება გამოცდები  და გაგრძელდება 25 მაისის ჩათვლით.  მოსწავლეებს  საშუალება ექნებათ,  რომ ჩააბარონ გამოცდები  ქართულ ენასა და ლიტერატურაში, საქართველოს ისტორიაში, მათემატიკასა და ერთ-ერთ უცხოურ ენაში.  მოსწავლეებს, რომლებმაც ვერ ჩააბარეს და ვერ დაძლიეს  ზღვარი ქიმია, ბიოლოგია, ფიზიკაში  ან გეოგრაფიაში მე -11  კლასის გამოცდების დროს  მათ, ექნებათ მეორე შანსი, რომ  კიდევ ერთხელ გამოსცადონ თავისი თავი და ჩააბარონ გამოცდა.  მე-11 კლასელების  გამოცდები ჩატარდება  15 ივნისის შემდეგ, ანუ 16- დან 20- ივნისის ჩათვლით იქნება გამოცდა. ჩატარდება ოთხ საგანში.  ეს არის გეოგრაფია, ბიოლოგია  ფიზიკა და   ქიმია“,-განაცხადა ივა მინდაძემ.

ამასთან, მოსწავლეებს  სკოლებში ნებაყოფლობით მისვლა, ტესტური   დავალებების ნახვა და პროგრამის მუშაობის შემოწმება  შეუძლიათ. პასუხები მათ  შედეგებზე არ აისახება.

 რაც შეეხება უშუალოდ  გამოცდას, მე-12 კლასელები გამოცდებს  21 -დან 24 -მაისის ჩათვლით  ჩააბარებენ.  25 მაისი სარეზერვო დღეა, გამოცდები  შემდეგი თანმიმდევრობით ჩატარდება.  ქართული ენა და ლიტერატურა,  უცხო ენა, ისტორია და მათემათიკა.  გამოცდის ჩაბარების შესაძლებლობა  დღის მეორე ნახევარში იმ მოსწავლეებსაც ექნებათ, რომლებმაც მე-11 კლასში გამოცდა არ ჩაუბარებიათ.

გამოსაშვები გამოცდები  CAT – ის (კომპიუტერზე ადაპტირებული ტესტირება) პრინციპით ტარდება და მოსწავლეები შედეგებს ადგილზე იგებენ.

შეფასებისა და გამოცდების ეროვნული ცენტრის ინფორმაციით, გამოსაშვები გამოცდების ჩატარება, სავარაუდოდ 1 700 000 ლარი დაჯდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს