საქართველოს რეგიონებში შეზღუდული შესაძლებლობების მქონე პირების ოჯახის წევრების გაძლიერების პროექტი იწყება.

ორგანიზაცია „ხელი ხელსა“ და შვეიცარული ასოციაცია MTE -ს (Meet-Train-Encourage-შეხვდი–ასწავლე–წაახალისე) ინიციატივით, შეზღუდული შესაძლებლობების მქონე პირების, მ.შ. ბავშვების მშობლებისთვის და მათთან დაკავშირებული პროფესიონალებისთვის  სამუშაო სახის შეხვედრები იწყება.  პროექტის პირველი ტური სიღნაღში 12 – დან 17 მარტამდე შედგება.  შეხვედრების განმავლობაში მშობლები შვილების ბაზისური მხარდაჭერისა და დახმარების ტექნიკების შესახებ ინფორმაციასა და პრაქტიკულ რჩევებს მიიღებენ. შშმ პირთა ოჯახის წევრებისა და მზრუნველების გაძლიერებასა და ცოდნის გაღრმავებაზე ქართველი („ხელი ხელს“) და შვეიცარიელ (MTE) პროფესიონალთა ჯგუფი იზრუნებს.

სემინარების პარალელურად შშმ და ტიპური განვითარების ბავშვთა ერთობლივი შემოქმედებითი აქტივობები გაიმართება. ღონისძიებები ფოტო გადაღებებს, თიხაზე მუშაობას, მუსიკალურ სწავლებებსა და სხვა ინიციატივებს მოიცავს. თითოეული კვირის ბოლოს კი მოზარდების მიერ შექმნილი ნამუშევრების გამოფენა და პროექტის ერთი ტურის საზეიმო დახურვა მოეწყობა.

პროგრამა შვეიცარიელი დიპლომატი, ჰეიდი ტალიავინის პატრონაჟით მიმდინარეობს. სიღნაღის შემდეგ პროექტს გურჯაანი 19-დან – 25 მარტამდე უმასპინძლებს. აღსანიშნავია, რომ საპილოტე პროგრამა საქართველოში 2017 წელს დაიწყო. სამუშაო შეხვედრებისთვის შეირჩა ის ქართული მუნიციპალიტეტები და სოფლები, რომლებშიც თერაპიული სერვისები არ არსებობს. ინიციატივის მიზანი შშმ ბავშვების მშობლების გაძლიერება, შეზღუდული შესაძლებლობის მქონე ბავშვთა და მოზარდთა დამოუკიდებლობის გაზრდა, ინკლუზიისა და თანატოლებში სოციალიზაციის გაუმჯობესებაა.

ავტორი: ,

სოციალური ქსელები

ზელენსკიმ ტრამპთან Patriot-ის რაკეტების წარმოება და დიპლომატიის დაჩქარება განიხილა

ჯო უილსონი - “ქართული ოცნება” სიტყვის თავისუფლებას “სიძულვილის ენის” შეჩერების საბაბით ანადგურებს, ამ პრორუსულ, პროირანულ, პროჩინურ რეჟიმს ამერიკა ეზიზღება

ამერიკელმა სენატორები რუსეთის წინააღმდეგ „ჯოჯოხეთურ სანქციებზე“ შეთანხმდნენ

WSJ: ტრამპი იმედგაცრუებულია პუტინით ომის სწრაფად მოგების შესახებ მისი დაპირებების შეუსრულებლობის გამო