„შემზარავი ტრაგედია დატრიალდა სოხეთში. ძალიან მძიმე არის ამის გააზრება და ეს გამოხატავს რუსული ჯარების მდგომარეობას“, - ამის შესახებ „ნაციონალური მოძრაობის“ ერთ-ერთმა ლიდერმა სერგო რატიანმა „ექსპრესნიუსს“ განუცხადა.

რატიანის თქმით, რუსული ჯარები, დღეს ტრადიციულ ჩაგვრაზე დგანან.

„რუსული ჯარები ტრადიციულ ჩაგვრაზე და საბჭოთა საშინელებაზე დამყარებული ჯარია, სადაც ადამიანები ასეთ მდგომარეობაში, სხვებზე ძალადობენ და ძალადობის ერთ-ერთი სამწუხარო შემთხვევა სწორედ ეს არის“, - განაცხადა რატიანმა.

შეგახსენებთ, რუსმა ჯარისკაცმა სომხეთში, ქალაქ  გიუმრიში ოჯახის ექვსი წევრი და მათ შორის 2 წლის გოგონა  ავტომატური იარაღით დაცხრილა. გადარჩა მხოლოდ ექვსი თვის ჩვილი, რომელიც ამ დრომდე რეანიმაციაში იმყოფება. მისი მდგომარეობა მძიმეა.
მკვლელობაში ეჭვმიტანილი რუსულ ბაზაზე მომსახურე, რიგითი ჯარისკაცი ვალერი პერმიაკოვი მოგვიანებით  რუსმა მესაზღვრეებმა თურქეთის საზღვარზე დააკავეს.  
ჯარისკაცის სომხეთისთვის გადაცემის მოთხოვნით, გიუმრიში აქციები იმართება.

საქართველოში სომხეთის საელჩოსთან ამ წუთებში აქცია მიმდინარეობს, სადაც აქციის მონაწილეებმა ყვავილები მიიტანეს და სანთლები აანთეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთმა და უკრაინამ მშვიდობიანი მოქალაქეები გაცვალეს

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"