ბურკინა-ფასოს დედაქალაქ უაგადუგუში მდებარე საფრანგეთის საელჩოზე ტერორისტული თავდასხმა განხორციელდა, - ამის შესახებ Express.co იუწყება.

მედია საშუალების ინფორრმაციით, საელჩოს შენობაზე თავდასხმა ხუთმა შეიარაღებულმა მამაკაცმა განახორციელდა. თავდამსხმელებმა შენობას ცეცხლი გაუხსნეს.

გარდა ამისა, მედიის ცნობით, თავდასხმა ასევე ფრანგული ენის ინსტიტუტის შენობებზეც განხორციელდა.

„მიმდინარეობს თავდასხმა საფრანგეთის საელჩოსა და ფრანგული ენის ინსტიტუტის შენობებზე. გთხოვთ დარჩეთ თქვენს ადგილებზე“, - ნათქვამია ბურკინა-ფასოში საფრანგეთის საელჩოს Facebook-გვერდზე.

თვითმხილველების თქმით, სროლის გარდა მიმდებარე ტერიტორიაზე აფეთქებების ხმაც ისმოდა, რის შემდეგაც მათ კვამლი დაინახეს.

ინფორმაცია მსხვერპლის შესახებ ჯერ არ გავრცელებულა.

 უაგადუგუს მერის განცხადებით, თავდასხმა ჯიჰადისტებმა განახორციელეს. აღსანიშნავია, რომ მომხდარზე პასუხისმგებლობა ჯერჯერობით არც ერთ ტერორისტულ დაჯგუფებას არ აუღია.

ავტორი: ,

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.