"ჩვენი რეფორმების მიზანია, უზრუნველვყოთ ისეთი ტიპის ეკონომიკური ზრდა, რომელიც შეეხება საქართველოს ყველა მოქალაქეს", -ამის შესახებ  ფინანსთა მინისტრმა, მამუკა ბახტაძემ განაცხადა.

მისი თქმით, ამისთვის მნიშვნელოვანია, რომ მცირე და საშუალო ბიზნესის წილი მთლიან შიდა პროდუქტში მნიშვნელოვნად გაიზარდოს.

„ბუნებრივია, მხოლოდ ერთი რეფორმით ამის მიღწევას ვერ შევძლებთ, მაგრამ ჩვენ  დაანონსებული გვაქვს ახალი რეფორმების ტალღა. იანვარში დავიწყეთ დღგ-ის ავტომატურ რეჟიმში დაბრუნების რეფორმა, გასულ წელს განხორციელდა მოგების გადასახადის რეფორმა, ასევე მნიშვნელოვანი რეფორმები მიმდინარეობს საბაჟოზე ე.წ. ციფრული საბაჟოს იდეის განვითარების მიმართულებით. ამასთან ერთად, გვაქვს,  მასშტაბური რეფორმების სია, რომელიც დამუშავების სტადიაშია  და მათ ნაწილს ჩვენ დავაანონსებთ გაზაფხულზე. მთლიანობაში, ყველაფერი ეს, საშუალებას მოგვცემს, გავზარდოთ მცირე და საშუალო ბიზნესის წილი ქვეყნის ეკონომიკაში. ჩვენი მოტივაციაა, მომავალში, მეწარმეებს ჰქონდეს სტიმული და მოტივაცია, მიიღონ მცირე ბიზნესის სტატუსი და დაიწყონ ეკონომიკური აქტივობა, რაც ძალიან მნიშვნელოვანი წინაპირობა იმისა, რომ მივიღოთ ისეთი ტიპის ეკონომიკური ზრდა, რომელიც აისახება თითოეულ მოქალაქეზე", - აღნიშნა ბახტაძემ.

(NS)

ავტორი: ,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე