2015-05-14 15:09:58, 732 ნახვა
ეკონომიკა
ფინანსთა მინისტრი აშშ-ს ხაზინის დელეგაციას შეხვდა
EBRD-ის ყოველწლიური შეხვედრისა და ბიზნესფორუმის ფარგლებში დღეს ფინანსთა მინისტრი ნოდარ ხადური აშშ-ს ხაზინის დელეგაციის ხელმძღვანელს მარისა ლაგოს შეხვდა.
შეხვედრაზე მხარეებმა საქართველოს ფინანსთა სამინისტროსა და აშშ-ს ხაზინას შორის არსებულ თანამშრომლობასა და სამომავლო პერსპექტივაზე ისაუბრეს. ფინანსთა მინისტრმა სტუმარს კიდევ ერთხელ მადლობა გადაუხადა იმ მხარდაჭერისთვის, რომელსაც აშშ-ს ხაზინის ტექნიკური დახმარების სამსახური უწევს ფინანსთა სამინისტროს შემოსავლების სამსახურს, თანამშრომელთა კვალიფიკაციის ამაღლების მიმართულებით.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
