თბილისის საკრებულოს თავმჯდომარე გიორგი ტყემალაძე მეტროსადგურ „ვარკეთილში“ მომხდარ ინციდენტთან დაკავშირებით ოპოზიციის მიერ საკრებულოს რიგგარეშე სხდომის მოწვევის მოთხოვნას ეხმაურება.

როგორც ტყემალაძემ აღნიშნა, მომხდარის გამომწვევის მიზეზების დადგენა პირველ რიგში მმართველი გუნდის ინტერესში შედის.

„მას შემდეგ, რაც მოხდება მიზეზების დადგენა, თუკი ვინმეს ბრალეულობა გამოიკვეთება, რა თქმა უნდა, ის უმკაცრესად დაისჯება. რაც შეეხება საკრებულოში ამ საკითხის განხილვას, ეს არასდროს ყოფილა პრობლემა და არც ახლა იქნება. მოგეხსენებათ, ოპოზიციის გარკვეულმა ნაწილმა საკითხის ფრაქციის ფორმატში, ხოლო მეორე ნაწილმა საკრებულოს სხდომაზე განხილვა მოითხოვა. რა ფორმატში იქნება საკითხი განხილული, ამასთან დაკავშირებით გადაწყვეტილებას მივიღებთ და უახლოეს დღეებში მოგახსენებთ“, - განაცხადა ტყემალაძემ.

ცნობისთვის, მეტროსადგურ "ვარკეთილში" მომხდარ ინციდენტზე საკრებულოს რიგგარეშე სხდომის მოწვევა დღეს ფრაქციის „ერთიანი ნაციონალური მოძრაობა“ თავმჯდომარემ ირაკლი ნადირაძემ და ფრაქცია „ევროპული საქართველო-თბილისის“ თავმჯდომარემ გიორგი გაბაშვილმა მოითხოვეს. 

ავტორი: ,

სოციალური ქსელები

სარაკეტო დარტყმების შემდეგ ბელგოროდში კვლავ გაითიშა ელექტროენერგია, წყლისა და გაზის მიწოდება შეწყდა

2026 წლის მსოფლიო ჩემპიონატის სკანდალი: როგორ გააუქმა ტრამპმა წითელი ბარათი

Financial Times: აშშ უკრაინას რუსეთის ნავთობობიექტებზე თავდასხმებში ეხმარება

გერმანიის სამხედრო ხარჯები ცივი ომის შემდეგ უნახავ დონეს მიაღწევს