„მსოფლიოში ყველაზე დიდი ტერიტორიის მქონე  ქვეყანა, ეძებს კიდევ რამდენიმე კვადრატულ მეტრს“,-ამის შესახებ საქართველოს პრეზიდენტმა გიორგი მარგველაშვილმა საინფორმაციო სააგენტო  „როიტერისთვის“ მიცემულ ინტერვიუში რუსეთ-საქართველოს შორის ურთიერთობებთან დაკავშირებით  განაცხადა.
მისივე თქმით,  საქართველო, მოლდოვა და უკრაინა შორდება რუსეთს, რომელიც ცდილობს მისი მეზობლებისთვის მიუღებელი ღირებულებების დამკვიდრებას.
„რა სურს ქვეყანას, რომელიც თავის მეზობლებს უქმნის საფრთხეს, თავისი საზღვრების გასწვრევ ქმნის არეულობის კერებს და ძაბავს ურთიერთობებს მის მეზობელ ქვეყნებსა და ხალხებთან?
მე არ მაქვს პასუხი ამ კითხვაზე. მსოფლიოში ყველაზე დიდი ტერიტორიის მქონე ქვეყანა, ეძებს კიდევ რამდენიმე კვადრატულ მეტრს.
არსებობს ლოგიკური ახსნა იმისა თუ რატომ ირჩევს საქართველო ევროკავშირსა და ნატოს. ამავე დროს არსებობს სხვაგვარი ლოგიკა: რატომ არ გსურთ გააკეთოთ საპირისპირო, რადგან ასე სურს რუსეთს? ჩვენ სუვერენული სახელმწიფო ვართ და არჩევანს ვაკეთებთ ჩვენი ინტერესებიდან გამომდინარე და არა რუსეთის ინტერესების საფუძველზე“,-განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მდინარაძე ავალიანის საქმეზე დაზარებულებს მიმართავს - ნუ დავასწრებთ მოვლენებს

კუპრაძე - მოქალაქეებო კამერებით რუსული სპეცსამსახურები გვითვალთვალებენ, ეს ყველაფერი ივანიშვილის ანტიქართულმა რეჟიმმა აამოქმედა

ივანიშვილის წარმომადგენელი მდინარაძე ქართველ ხალხს ცენზურის უფრო გამკაცრებას და აღსრულებას პირდება

მდინარაძე ქვეყანაში ცენზურის სამსახურის ამოქმედებას კრიტიკულ მედიას და ოპოზიციას აბრალებს