დეკანოზ გიორგი მამალაძის ადვოკატის გიორგი ფანცულაიას განცხადებით, დღევანდელ სასამართლო პროცესზე დააყენეს შუამდგომლობა, რომ 31 იანვარს დაცვის მხარის დასკვნითი სიტყვის ეტაპზე სასამართლო ღია ყოფილიყო.

მისივე განმარტებით, იღებდნენ პასუხისმგებლობას, რომ სასამართლოს სხდომის გასაჯაროვების შემთხვევაში, პირად ცხოვრებაზე არ ისაუბრებდნენ.

თუმცა, როგორც ადვოკატი განმარტავს, სასამართლომ მათი შუამდგომლობა არ დააკმაყოფილა.

„არც ერთი პირის პირად ცხოვრებაზე არ ვაპირებდით საუბარს, არც არის საქმეში. სასამართლომ კვლავ ვერ გაბედა, საზოგადოებას სიმართლე მოესმინა“,-განაცხადა ადვოკატმა.

რაც შეეხება უშუალოდ დღევანდელ პროცესს, გიორგი ფანცუალიას განცხადებით, პროკურატურა ცდილობდა დაედასტურება მამა გიორგი მამალაძის ბრალეულობა ანგარების მოტივით.

„მაგრამ ვერც ანგარებით და ვერც ანგარების გარეშე დაადასტურეს. დასკვნით სიტყვას გასდევდა ერთი  მოტივი, რომ მამალაძე მიდიოდა გერმანიაში, რათა იქ მოეკლა შორენა თეთრუაშვილი. ამისთვის მიჰქონდა  ფული და როგორ გამოიტანა მან ეს ფული, რათა ამ ფულით შემდეგ ევროპაში წასულიყო. ამ ყველაფრის მოტივი თურმე ის ყოფილა, რომ თუ თეთრუაშვილს მოკლავდა და გერმანიაში მიიმალებოდა ძებნილი ადამიანი დაწინაურდებოდა და დაიბრუნებდა ქონების მართვის უფროსის თანამდებობას“,-განაცხადა ადვოკატმა.

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს