საგამოძიებო ჯგუფი - ლეხ კაჩინსკის თვითმფრინავის ჩამოვარდნა აფეთქებამ გამოიწვია

2018-01-11 14:16:56, 2236 ნახვა

მსოფლიო

პოლონეთის პრეზიდენტის ლეხ კაჩინსკის თვითმფრინავის მარცხენა ფრთა რამდენიმე აფეთქების შედეგად განადგურდა, - ამის შესახებ ავიაკატასტროფის საგამოძიებო ჯგუფმა განაცხადა.

როგორც გამომძიებელმა, ანტონ მეჩერევიჩმა აღნიშნა, მარცხენა ფრთაში სულ მცირე 3 აფეთქება მოხდა.

აღსანიშნავია, რომ მანამდე ლაინერის კორპუსის დაზიანების ოფიციალურ მიზეზად ხესთან შეჯახება სახელდებოდა.

ავიაკატასტროფის ტექნიკური ანგარიში მიმდინარე წლის აპრილში იქნება მზად, თუმცა ის სრულყოფილი არ იქნება - მასში ახალი თეზისები დაემატება.

შეგახსენებთ, 2010 წელს პოლონეთის პრეზიდენტის ლეხ კაჩინსკის თვითმფრინავი „ტუ- 154“ სმოლენსკის აეროდრომზე დაშვების დროს ჩამოვარდა. შედეგად დაიღუპა 96 ადამიანი, მათ შორის, პოლონეთის მთავრობის მაღალჩინოსნები.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები