NDI–ის საზოგადოებრივი კვლევის თანახმად, გამოკითხული მოსახლეობის 39% ფიქრობს, რომ საქართველო უკვე დემოკრატიულია, მაგრამ ჯერ კიდევ საჭიროებს გაუმჯობესებას. 22% აცხადებს, რომ საქართველო ჯერ არ არის დემოკრატიული, მაგრამ ქვეყანა ამ მიმართულებით ვითარდება, გამოკითხულთა 18% მიიჩნევს, რომ საქართველო  მხოლოდ საზოგადოების  გარკვეული ნაწილისთვის არის  დემოკრატიული.13%-ის აზრით,  საქართველო შესაძლოა მომავალში გახდეს დემოკრატიული, მაგრამ  ამჟამად ამ მიმართულებით არ ვითარდება. 3% მიიჩნევს, რომ საქართველო დემოკრატიული ქვეყანა არ არის და არც არასდროს იქნება. მხოლოდ გამოკითხულთა 1%-ფიქრობს, რომ საქართველო დემოკრატიულია და გაუმჯობესებას აღარ საჭიროებს. 2014 წლის აგვისტოში ჩატარებულ კვლევასთან შედარებით, 2015 წლის  აპრილის თვეში 2%-ით მეტი ფიქრობს, რომ საქართველო დემოკრატიულია, მაგრამ ჯერ კიდევ საჭიროებს გაუმჯობესებას.

ქვეყნის დემოკრატიულობასთან დაკავშირებით "არ ვიცი"–ს მაჩვენებელი ეთნიკურ უმცირესობათა დასახლებებში უფრო დიდია. 

NDI-ის კვლევის საველე სამუშაოები ჩატარდა 27 მარტი - 19 აპრილის პერიოდში, საქართველოს მასშტაბით 4360 პირისპირ ინტერვიუს წარმომადგელობითი შერჩევის საფუძველზე.  NDI-ის კვლევებს  შვედეთის საერთაშორისო განვითარების და თანამშრომლობის სააგენტო (Sida) აფინანსებს და CRRC–საქართველო ატარებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს