აშშ-ის სტრატეგიული უსაფრთხოების ახალ დოკუმენტში საქართველოზეც არის საუბარი

2017-12-19 11:22:26, 1968 ნახვა

მსოფლიო

თეთრმა სახლმა ამერიკის შეერთებული შტატების ეროვნული უსაფრთხოების სტრატეგიის განახლებული დოკუმენტი გამოაქვეყნა.

შესაბამისი დოკუმენტი პრეზიდენტ დონალდ ტრამპის ადმინისტრაციის ვებგვერდზეა განთავსებული.

68-გვერდიან დოკუმენტში იმ გლობალური საფრთხეების შესახებ წერია, რომელიც ქვეყნის წინაშე დგას. აღსანიშნავია, რომ დოკუმენტში გლობალური საფრთხეების ნაწილში ამერიკა რუსეთსა და ჩინეთს ასახელებს.

ამერიკის ეროვნული უსაფრთხოების ახალ სტრატეგიაში საქართველოზეც არის საუბარი.

"ძლიერი და თავისუფალი ევრო ამერიკისთვის მნიშვნელოვანი პარტნიორია. ამერიკასა და ევროპას აერთიანებენ: დემოკრატიის პრინციპები, თავისუფლებისადმი ლტოლვა და კანონის უზენაესობა. ერთად გამოვიარეთ მეორე მსოფლიო ომი და შევინარჩუნეთ სტაბილურობა. დღეს ევროპა ჩვენი ყველაზე მთავარი სავაჭრო პარტნიორია. მართალია საბჭოთა კომუნიზმის საფრთხეები აღარ არსებობს, მაგრამ ახალი საფრთხეები ჩვენს ნებისყოფას ცდიან. რუსეთი დამანაგრეველ ზომებს იყენებს, რათა ამერიკის სანდოობა ევროპასთან მიმართებაში შეასუსუტოს, ასევე ძირს უთხრის ტრანსატლანტიკურ ერთიანობას და ხელს უწყობს ევროპული ინსტიტუტებისა და მთავრობების შესუსტებას. საქართველოსა და უკრაინაში შეჭრით რუსეთმა აჩვენა, რომ მზადაა რეგიონის სახელმწიფოების სუვერენიტეტი დაარღვიოს. რუსეთი აგრძელებს მეზობელი ქვეყნების დაშინებას მუქარის შემცველი ნაბიჯებით, მათ შორის ბირთვული პოტენციალის გაძლიერებით და შეიარაღების განთავსებით", - ნათქვამია დოკუმენტში.

დოკუმენტში საუბარი ასევე, ჩრდილოეთ კორეას, ირანსა და ტერორიზმს, კერძოდ კი "ისლამურ სახელმწიფოს" შეეხო.

ცნობისთვის, დოკუმენტს ხელი ქვეყნის პრეზიდენტმა დონალდ ტრამპმა მოაწერა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები