მსოფლიოში უდიდეს ბოროტებაზე გამარჯვების დღეა, - ამის შესახებ პრემიერ-მინისტრმა ირაკლი ღარიბაშვილმა ვაკის პარკში, ფაშიზმზე გამარჯვების 70 წლისთავთან დაკავშირებით გამართულ ღონისძიებაზე სიტყვით გამოსვლისას განაცხადა.

როგორც პრემიერმა აღნიშნა, საქართველო გმირების ქვეყანაა.

„მივესალმები ჩვენს უწმინდესობას, მივესალმები დამსწრე საზოგადოებას და ძვირფას ვეტერანებს, სტუმრებს, რომლებიც ჩამოვიდნენ არა მხოლოდ რეგიონებიდან, არამედ უცხოეთიდან. დღეს არის დიდი დღე, მსოფლიოში უდიდეს ბოროტებაზე გამარჯვების დღე - ფაშიზმზე გამარჯვების 70 წლისთავი. ჩვენი ქვეყანა გმირების ქვეყანაა. ამ ომში 350 ათასი მეომარი გმირულად დაეცა. ქედს ვიხრი მათი ხსოვნის წინაშე. განსაკუთრებულად მინდა მივესალმო მელიტონ ქანთარიას შვილს, რომელიც აქ იმყოფება. მე კიდევ ერთხელ გილოცავთ ფაშიზმზე გამარჯვების 70-ე წლისთავს“, - განაცხადა ირაკლი ღარიბაშვილმა.

პრემიერ-მინისტრმა საქართველოს კათოლიკოს-პატრიარქთან ილია მეორესთან ერთად უცნობი ჯარისკაცის მემორიალი გვირგვინით შეამკო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Bloomberg: რუსეთის უმდიდრესი ადამიანების ქონება წლის დასაწყისიდან 4.82 მილიარდი დოლარით გაიზარდა

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ