ევროკომისიამ საქართველოს მიერ ვიზალიბერალიზაციის სამოქმედო გეგმის შესრულების მესამე პროგრესული ანგარიში გამოაქვეყნა. ანგარიშში ერთ-ერთი თავი მოქალაქეთა უფლებებს, მათ შორის უმცირესობათა დაცვას ეხება.

 ევროკომისია  საქართველოს მოქალაქეთა უფლებებთან დაკავშირებულ ნიშნულებს    დაკმაყოფილებულად  უთვლის.

"თანდათანობით ხდება ანტიდისკრიმინაციული კანონმდებლობისა და პოლიტიკის ქმედითი განხორციელების განმტკიცება პრეცედენტული სამართლისა და პრეცედენტების მეშვეობით, მიუხედავად იმისა, რომ ამჟამად დისკრიმინაციასთან დაკავშირებული ცოტა საქმე თუ არის შეტანილი სასამართლოებში. ეს მოვლენები მოჰყვა ანტიდისკრიმინაციული კანონის -რომელიც ქმნის საკანონმდებლო ბაზას თანასწორობისა და დისკრიმინაციის არარსებობის უზრუნველსაყოფად - ძალაში შესვლას და მის განსახორციელებლად გატარებულ ზომებს, რომლებშიც გადამწყვეტ როლს სახალხო დამცველის აპარატი ასრულებს.
რაც შეეხება ანტიდისკრიმინაციული კანონის გარკვეულ დებულებებს, ასეთი სიფხიზლე საჭიროა იმის უზურნველსაყოფად, რომ პრაქტიკულად ხორციელდებოდეს ადეკვატური და ეფექტიანი დაცვა დისკრიმინაციისგან და რომ ნებისმიერი გადახვევა გამოყენებული იქნეს აუცილებლობისა და პროპორციულობის პრინციპების და საერთაშორისო და ევროპული სტანდარტების შესაბამისად.
რაც შეეხება ადამიანის უფლებათა ეროვნული სტრატეგიისა და სამოქმედო გეგმის განხორციელებას, პრემიერ-მინისტრთან არსებული ადამიანის უფლებათა სამდივნო სრულად არის დაკომპლექტებული პერსონალით და 2014 წლისთვის დაგეგმილი ყველა სამუშაო შესრულებულია. ბოლო წლებში მნიშვნელოვანი წინსვლა აღინიშნა ასევე ეთნიკური უმცირესობების დაცვაში და მათი სამოქალაქო ინტეგრაციის ხელშეწყობაში. საქართველომ დაიწყო მოსამზადებელი სამუშაოები რეგიონული ანუ უმცირესობათა ენების ევროპული ქარტიის ხელმოსაწერად და საქართველოს კანონმდებლობის ქარტიის დებულებებთან ჰარმონიზების მისაღწევად. გარდა  ამისა, მიმდინარეობს მოსამზადებელი სამუშაოების სახელმწიფო ენის შესახებ კანონის მისაღებად. მოქალაქეთა უფლებებთან დაკავშირებული ნიშნულები თითქმის  დაკმაყოფილებულად  ითვლება",-ნათქვამია ევროკომისიის ანგარიშში, რომლის თარგმანიც იუსტიციის სამინისტრომ გაავრცელა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Bloomberg: რუსეთის უმდიდრესი ადამიანების ქონება წლის დასაწყისიდან 4.82 მილიარდი დოლარით გაიზარდა

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ