შინაგან საქმეთა სამინისტროს აკადემიაში საერთაშორისო სამეცნიერო კონფერენცია – „კონსტიტუციური სახელმწიფო გლობალური საფრთხეების წინააღმდეგ“ მიმდინარეობს.

კონფერენცია შინაგან საქმეთა სამინისტროს აკადემიის რექტორმა ნუკრი გელაშვილმა, იუსტიციის მინისტრის მოადგილე ალექსანდრე ტაბატაძემ, ესპანური სამართლის შესწავლის ინსტიტუტის დირექტორთა საბჭოს თავმჯდომარე, ბარსელონას ავტონომიური უნივერსიტეტის კათედრის ხელმძღვანელმა ჟოან ლუის პერეს ფრანსეჩმა და ივ. ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის დეკანმა ირაკლი ბურდულმა საზეიმოდ გახსნეს.

კონფერენციის ესწრებიან შსს-ს აკადემიის ხელმძღვანელი პირები, ივ. ჯავახიშვილის სახელობის თბილისის სახელმწიფო უნივერსიტეტის, მიგელ დე სერვანტესის ევროპული უნივერსიტეტის, ბარსელონას ავტონომიური უნივერსიტეტის და ესპანური სამართლის შესწავლის ინსტიტუტის აკადემიური პერსონალი.

კონფერენციის განმავლობაში მოხსენებით გამოვლენ შსს-ს აკადემიის წარმომადგენლები, ბარსელონას ავტონომიური უნივერსიტეტის და მიგელ დე სერვანტესის ევროპული უნივერსიტეტის პროფესორები და ანალიტიკოსები. ასევე განიხილება ორგანიზებული დანაშაულის, კიბერტერორიზმის, თანამედროვე საზოგადოების გეოსტრატეგიული უსაფრთხოების, საჯარო და კერძო უსაფრთხოების თავსებადობისა და ურბანული პოლიციის ადმინისტრაციული ფუნქციების საკითხები. კონფერენციის დასასრულს, მადრიდის ნებრიხას უნივერსიტეტის სამაგისტრო პროგრამის პრეზენტაცია გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს