თურქეთის პროკურატურამ აშშ-ის ყოფილი აგენტის დაკავების ორდერი გასცა

2017-12-01 17:44:26, 2544 ნახვა

მსოფლიო

სტამბოლის პროკურატურამ ამერიკის შეერთებული შტატების ცენტრალური სადაზვერვო სააგენტოს ყოფილი ოფიცრის, გრეჰემ ფულერის დაკავების ორდერი გასცა, - ამის შესახებ NTV იუწყება.

მედია საშუალების ინფორმაციით, თურქეთი CIA-ს ყოფილ აგენტს 2016 წელს სამხედრო პუტჩის მონაწილეობას აბრალებს. ამასთან, ხელისუფლება ფულერს მუსლიმი მქადაგებლის ფეთჰულა გიულენის ორგანიზაცია FETO-სთან კავშირსაც ედავება.

მედიის ცნობით, ფულერის წინააღმდეგ საქმე სამი მუხლით არის აღძრული: სახელმწიფო გადატრიალების მცდელობა, შპიონაჟი და საკონსტიტუციო წესრიგის შეცვლა.

გრეჰემ ფულერი ცენტრალური სადაზვერვო სააგენტოს ყოფილი აგენტია, რომელიც ირანსა და თურქეთში მუშაობდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები