National Geographic-ი მკითხველს 2018 წელს საქართველოში მოგზაურობას ურჩევს

2017-11-29 20:38:07, 2048 ნახვა

საზოგადოება

მსოფლიოში პოპულარულმა სამოგზაურო ჟურნალმა National Geographic, 2018 წლის ტურისტული მიმართულებები დაასახელა, რომელთა სიაში საქართველოცაა.

ჟურნალმა სტატია სათაურით „ადგილები რომელსაც 2018 წელს უნდა ეწვიოთ“ გამოაქვეყნა. აღსანიშნავია, რომ სიაში სულ 21 ტურისტული მიმართულებაა შესული, რომელთა შორის თბილისიც ფიგურირებს.

სტატიაში ხაზგასმულია, რომ მიმართულებების შერჩევაში ჟურნალის სრული შემადგენლობა მონაწილეობდა. ჟურნალის ფოტოგრაფები, ჟურნალისტები და სამოგზაურო ექსპერტები მიმართულებებს ადგილების სილამაზით, კულტურითა და ბუნებით აფასებდნენ.

"შეიგრძენით ძველი თბილისის ბუნებრივი შარმი, საქარველოს დედაქალაქი თავბრუდამხვევი ტემპით განვითარდა და ფორმა იცვალა. თბილისში ვიზიტისას თქვენ შეგიძლიათ ქართულ ტრადიციებს გაეცნოთ, ისარგებლოთ 24 საათიანი გოგირდის აბანოს მომსახურებით, დააგემოვნოთ ხინკალი და გაეცნოთ ადგილობრივების ლეგენდარულ სტუმარმასპინძლობას“,- წერს ჟურნალისტი მერლინ კენედი დაქეთი.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები