თბილისის მერი კახი კალაძე სპორტის სასახლის მიმდებარე ტერიტორიაზე, ინფრასტრუქტურული სამუშაოებისას,  ხეების მოასფალტების საკითხს გამოეხმაურა.

კალაძის თქმით, უცნობია, კომპანიამ შეცდომა დაუშვა, თუ ეს მიზანმიმართულად გააკეთა. თუმცა, მერის შეფასებით,  ხეები მიზანმიმართულადაა მოასფალტებული.

კალაძე აღნიშნულ კომპანიასთან თანამშრომლობას აღარ აპირებს და აცხადებს, რომ ხეებთან დაკავშირებით ასეთი ქმედება დაუშვებელია:

„ცოტა ხნის წინ სოციალურ ქსელში კონკრეტული ფოტოები გავრცელდა, რომელიც მინდა გაჩვენოთ. ეს არის სპორტის სასახლის მიმდებარე ტერიტორია, სადაც ინფრასტრუქტურული სამუშაოები მიმდინარეობდა და სამწუხაროდ, მე არ ვიცი, ამ კომპანიამ მიზანმიმართულად გააკეთა თუ შეცდომა მოუვიდა, ხეები მოასფალტდა. თუ შეცდომაა, სამწუხაროა, თუ მიზანმიმართულად გააკეთა, ეს კიდევ უფრო მეტი უბედურებაა. მინდა კეთილმოწყობისა და ტრანსპორტის სამსახურს მივმართო, რომ ასეთ კომპანიებთან ჩვენ მომავალში ვერ ვიმუშავებთ“, - განაცხადა კახა კალაძემ.  

ავტორი: ,

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.